Jérémie 51:56 - Mbeti ti Nzapa - Tënë so amu fini

⁵⁶ Biani, zo ti bubango aye ayeke ga nduru na Babilone, lo yeke ga ti tiri bira na lo. Lo yeke gbu angangu zo ti bira ti lo, lo yeke fâ ya ti kokora ti ala. Biani, KOTA GBIA ayeke Nzapa, lo hinga ti kiri na zo peko ti ye so zo ni asara; lo hinga ti futa zo alingbi na kua so zo ni asara.

Jérémie 51:56 ပူးပေါင်းရင်းမြစ်များ

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

Abia (Psaumes) 37:15

Me fade yongoro zeme ti ala ayeke kpo be ti ala wani si ya ti kokora ti ala ayeke kungbi.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 76:3

Da ti lo ayeke na Jérusalem, ndo ti dutingo ti lo ayeke na *Sion.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 34:8

Ti KOTA GBIA, lango ni so ayeke lango titene lo kiri na peko ti sioni ti azo ti Edom na ala; ngu ni so ayeke ngu titene lo so lo yeke gbu koko ti *Sion, lo kiri na peko ti sioni ti awato ti Sion na ala.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 59:18

Lo yeke futa zo oko oko alingbi na aye so zo ni asara. Azo so ake lo, ngonzo ti lo alondo na tere ti ala tongana wâ, awato ti lo, lo yeke kiri peko ti sioni na ala, ataa na azo ti azoa.

Jérémie 49:35

Tënë so KOTA GBIA so ayeke na ndö ti dunia atene ayeke so: “Mbi yeke fâ ya ti kokora ti azo ti Elam so ayeke sara ngangu ti ala.

Jérémie 50:10

Fade aye ti Babilone kue ayeke ga tongana ye so a gbu na peko ti bira; azo so kue ayeke nzi aye ni so, ala yeke nzi ni ngbii alingbi na ala; so tënë ti yanga ti KOTA GBIA laa.

Jérémie 50:36

Bira aga na tere ti azo ti bingo mbadi! Ayeke nzoni ala ga azo ti buba! Bira aga na tere ti aturugu ti Babilone! Ayeke nzoni mbeto ahon ndö ti ala!

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:48

Fade azo ti bubango kodro ti Babilone ayeke londo na mbage ti Banga ti ga. Tongaso yayu na sese ayeke he bia ti songo benda na ndö ti Babilone.” So tënë ti yanga ti KOTA GBIA laa.

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Abia ti demango tere 3:64

Aye so ala yeke sara na mbi so, KOTA GBIA, mo kiri peko ni na ala!

Ezekiel 39:3

Na pekoni, mbi yeke pika mo si ya ti kokora ti mo so ayeke na ya ti maboko ti mo ti wali ayeke fâ; mbi yeke sara titene ale ti kokora ti mo alondo na ya ti maboko ti mo ti koli ati na sese.

Ezekiel 39:9

Azo ti Israel ayeke sigigi na ya ti agbata ti ala, ala yeke sara wâ, ala yeke gbi aye ti bira ti awato ti ala: akete *vala na akota vala, akokora na ale ti kokora, ayongoro zeme na alikongo; ala yeke wara aye ti sara na wâ na ya ti ngu mbarambara.

Amos 2:15

Zo ti pikango kokora ayeke kiri ti gbu le ni pepe, nzoni zo ti kpengo loro ayeke ngba na fini pepe, zo ti kpengo na mbarata ayeke soo fini ti lo pepe.

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

2 Tesalonike 1:6

Taa-tënë, Nzapa ayeke mbirimbiri: fade lo yeke kiri na peko ti pasi na azo so asara pasi na ala.

Aye so Nzapa afa 17:16

Adidi baleoko so mo baa so, ala na nyama ni ayeke ke ande wali-ndumba ni. Fade ala yeke mu aye so kue lo yeke na ni si ala yeke zia lo tere ti lo senge, ala yeke te kasa ti tere ti lo si ala yeke gbi lo na wâ.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 19:2

Fango ngbanga ti lo ayeke na lege ti taa-tënë si ayeke mbirimbiri! Lo fâ ngbanga na li ti kota wali-ndumba so abuba ndö ti sese na sarango aye ti ndumba ti lo. Nzapa afâ ngbanga na li ti lo ndali ti so lo fâ azo ti kua ti Nzapa.”

1 Samuel 2:4

Ya ti kokora ti angangu turugu afâ awe; me azo so ngangu ti ala ahunzi biani biani, ala kiri awara ngangu.