Jérémie 51:47 - Mbeti ti Nzapa - Tënë so amu fini

⁴⁷ Ambeni lango ayeke ga so mbi yeke ga na tere ti ayanda ti Babilone. Kodro ni kue ayeke duti na ya ti kamene. Azo so akui kuâ ti bira, ala yeke ngba ti lango na sese na ya ti gbata ni.

Jérémie 51:47 ပူးပေါင်းရင်းမြစ်များ

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Jérémie 11:22

Ndani laa, tënë so KOTA GBIA so ayeke na ndö ti dunia kue atene ayeke so: “Fade mbi yeke ga na tere ti ala: amaseka ti ala ti koli ayeke kui na ya ti bira, amolenge ti ala ti koli na ti wali ayeke kui na nzara.

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 23:34

Tongana mbeni wayanga-Nzapa, wala mbeni wayango-sandaga wala mbeni zo na popo ti azo so atene: ‘Nengo kungba so KOTA GBIA azia na ndö ti mbi laa’, mbi yeke ga na tere ti zo ni so, lo na asewa ti lo.

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 51:18

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 51:52

“Ndani laa, ambeni lango ayeke ga so mbi yeke ga na tere ti ayanda ti Babilone; so tënë ti yanga ti KOTA GBIA laa. Na ya ti kodro ni kue, azo so awara akota ka ayeke dema.