Jérémie 51:46 - Mbeti ti Nzapa - Tënë so amu fini

⁴⁶ “Be ti ala awoko pepe! Asango so ayeke hon na ya ti kodro ni so, ala sara mbeto ni pepe. Na mbeni ngu, azo ayeke tene mbeni tënë nde, na mbeni ngu, ala yeke tene mbeni tënë nde. Azo ni ayeke tene: na ya ti kodro ni, gi sarango ngangu na azo, mbeni sioni gbia ayeke ga ti tumba mba ti lo na ndö ti mbata…

Jérémie 51:46 ပူးပေါင်းရင်းမြစ်များ

2 Agbia 19:7

Gbia ayeke ma mbeni tënë; mbi yeke tokua mbeni yingo na ya ti lo si lo yeke kiri na kodro ti lo. Mbi yeke sara titene lo kui kuâ ti yongoro zeme na kodro ti lo wani.’ ”

2 Mbai 20:23

Azo ti Amon na ti Moab alondo ti tiri na azo so ayeke lango na sese ti ahoto ti Seir. Ala fâ azo ti sese ni kue, ahunzi ala. Na pekoni, ala fâ tere na popo ti ala.

Mbeti ti Job 23:16

Nzapa asara si mbi woko kue; lo so ngangu ti lo ahon angangu kue asara si tere ti mbi ayeke do na mbeto.

Amato 24:10

Tongana be ti mo awoko na lango so ye ti ngangu asi na mo, andaa ngangu ti mo ayeke kete biani!

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 43:5

Mo sara mbeto pepe, ngbanga ti so mbi yeke na mo. Kâ na mbage ti To, mbi yeke sara titene *ahale ti mo akiri; kâ na mbage ti Do, mbi yeke bongbi azo ti mo na ndo oko.

Jérémie 46:27

“Ti mo Israel, zo ti kua ti mbi, sara mbeto pepe! Mo *hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni ye sioni ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Nzoni Tënë so Luc asu na mbeti 21:28

Tongana aye ni so ato nda ti singo ni, ala gbu ngangu, ala mu li ti ala na nduzu, ngbanga ti so Nzapa aga nduru ti zi ala na ya ti pasi awe!”

Awafango-ngbanga 7:22

Na ndembe so azo ngbangbo ota so angba ti huru tatalita, KOTA GBIA asara si azo ti ya ti bâbâ ni kue alondo ti fâ tere na yongoro zeme. Ala so angba so akpe ngbii, ala si na Bet-Shita so ayeke na lege ti guengo na Sereda; ala kpe nga na gbata ti Abel-Mehola so ayeke nduru na Tabat.