Jérémie 51:44 - Mbeti ti Nzapa - Tënë so amu fini

⁴⁴ KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:44 ပူးပေါင်းရင်းမြစ်များ

2 Mbai 36:7

Nabukodonosor amu ambeni ye nde nde so ayeke na ya ti kota da ti KOTA GBIA, lo gue na ni si lo zia na yangbo ti lo so ayeke na Babilone.

Mbeti ti Job 20:15

Amosoro so lani lo gbu na ngangu si lo mene so, fade lo yeke de ni. Nzapa ayeke sara si amosoro ni alondo na ya ti lo asigigi.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 51:18

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Jérémie 51:47

Ambeni lango ayeke ga so mbi yeke ga na tere ti ayanda ti Babilone. Kodro ni kue ayeke duti na ya ti kamene. Azo so akui kuâ ti bira, ala yeke ngba ti lango na sese na ya ti gbata ni.

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Jérémie 51:58

Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 4:1

“Mbi Nabukodonosor, mbi yeke duti ti mbi lani kpoo na ya ti da ti mbi si mbi yeke nzoni na yangbo ti mbi.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 5:26

Nda ni ayeke tongaso: MENE aye ti tene a diko ni awe: Nzapa adiko ngu ti mo ti dutingo gbia si lo kai ni awe;