Jérémie 51:43 - Mbeti ti Nzapa - Tënë so amu fini

⁴³ Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 51:43 ပူးပေါင်းရင်းမြစ်များ

Abia (Psaumes) 46:8

KOTA GBIA so ayeke na ndö ti dunia kue ayeke na e; Nzapa ti Jacob ayeke tongana ngangu gbagba na tere ti e. Luti kete

Ésaïe 13:20

Zo ayeke kiri ti lango na gbata ti Babilone pepe; ngu na ngu, zo ayeke kiri ti duti daa pepe. Ataa azo ti tambulango ka na benyama, ala yeke kiri ti sara ada ti ala ti bongo kâ pepe; ataa azo ti batango nyama, ala yeke sara si anyama ti ala alango kâ pepe.

Ésaïe 34:13

Akamba ti ki ayeke sigigi na yangbo ti gbia, asioni pere na akeke ti ki ayeke mu ndö ti ngangu gbagba. Kodro ni ayeke ga ndo ti lango ti *anzagua, ndo so *anaamo ayeke duti daa.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Jérémie 18:16

Ala sara si kodro ti ala aga ngonda, aga ye so azo ayeke huru yanga ti ala kpu na kpu na bango ni. Azo so kue ayeke hon na tere ni, li ti ala ayeke kpe si ala yingi li ti ala.

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 50:12

Kamene ahon ndö ti mama ti ala awe; lo so lo du ala so, lo ti buba awe. Fadeso lo ga ndangba ti amara kue, kodro ni aga benyama, aga kuru sese, lando so ahole kasakasa.”

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Jérémie 51:62

Fade mo yeke tene: ‘KOTA GBIA, mo wani laa mo tene, fade gbata so ayeke ti biani biani, zo na nyama ayeke kiri ti ngba na ya ni pepe; fade gbata ni ayeke ga ngonda kpu na kpu.’