Jérémie 51:42 - Mbeti ti Nzapa - Tënë so amu fini

⁴² Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Jérémie 51:42 ပူးပေါင်းရင်းမြစ်များ

Abia (Psaumes) 18:16

KOTA GBIA, so mo suku ngangu si ngonzo ti mo ti wâ alondo ngangu so, azo abaa taa gbe ti akota ngu kue; agere ti sese kue asigigi polele.

Abia (Psaumes) 18:4

Mbi gonda KOTA GBIA! Mbi dekongo na lo si lo zi mbi na maboko ti awato ti mbi.

Abia (Psaumes) 42:7

Nzapa ti mbi, mbi yeke na vundu. Na ndo so kue mbi yeke daa, ataa mbi yeke kâ na sese ti Jourdain, ataa mbi yeke na li ti ahoto ti Hermon, ataa mbi yeke na tere ti hoto ti Misar, mbi yeke dabe ti mbi na mo.

Abia (Psaumes) 65:7

Na lege ti ngangu ti mo, mo sara si ahoto aluti mbirimbiri, mo kanga ngangu na tere ti mo tongana kazaka ti wen.

Abia (Psaumes) 93:3

KOTA GBIA, *abale asuku awe, abale asuku ngangu; abale ayeke kiri ti suku ahon ndoni!

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Jérémie 51:55

Biani, KOTA GBIA laa ayeke buba Babilone; lo yeke sara si gba ti dekongo ni so akai. Awato adekongo ngangu, dekongo ti ala ayeke tongana toto ti *amapo ti kota ngu-ingo. Dekongo ti ala ayeke tongana toto ti bekpa.

Ezekiel 26:3

Ndali ti tënë so, tënë so mbi Kota Gbia NZAPA, mbi tene ayeke so: Mo Tir, mbi yeke ga na tere ti mo! Mbi yeke pusu gba ti amara nde ti tiri bira na mo; ala yeke tuku na ndö ti mo tongana ti so kota ngu-ingo ayeke sara si *amapo alondo.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Nzoni Tënë so Luc asu na mbeti 21:25

“Fade ambeni ye ti kpene ayeke sigigi na le ti lâ, na le ti nze, na le ti atongoro. Na ndö ti sese, fade be ti azo kue ayeke gi na nduzu, ala yeke duti gi na mbeto ndali ti toto ti kota ngu-ingo na *amapo ni.