Jérémie 51:41 - Mbeti ti Nzapa - Tënë so amu fini

⁴¹ Mara ti ye tongaso alingbi ti si? Gbata ti Sheshak so ando iri ti lo awu na ndö ti dunia kue so, fadeso azo asara bira na ni si ala mu ni awe! Mara ti ye tongaso alingbi ti si? Na popo ti amara kue, Babilone aga fadeso ngonda!

Jérémie 51:41 ပူးပေါင်းရင်းမြစ်များ

2 Mbai 7:21

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen’?

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ésaïe 14:4

Fade mo yeke he bia so na iri ti gbia ti Babilone, mo tene: Ye ni tongana nyen! Zo ti sarango ngangu na azo ayeke fadeso na ndo wa? Ngangu so lo yeke sara na azo so ahunzi awe!

Jérémie 25:26

– agbia kue ti Banga, ataa ala yeke nduru, wala ala yeke na yongoro ndo. Akodro-gbia ti dunia kue, ala so kue ayeke na ndö ti le ti sese, ala oko oko kue ayeke nyon kopo so na peko ti tere na peko ti tere. Na peko ti ala kue, gbia ti Sheshak laa ayeke nyon ni.

Jérémie 49:25

So nyen! Azo akpe gbata ni kue awe, gbata so iri ni awu lani mingi so, gbata so azia ngia na be ti mbi so!

Jérémie 50:23

Mara ti ye tongaso alingbi ti si? Babilone ayeke ando tongana martoo so ayeke nika aye ti sese kue; laso, a nika lo awe, lo ga fuku! Mara ti ye tongaso alingbi ti si? Na popo ti amara kue, Babilone aga ngonda.

Jérémie 50:46

Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Ezekiel 27:35

Azo so kue ayeke lango na ya ti azoa, li ti ala kue ayeke kpe ndali ti mo. Agbia ti ala ayeke do na mbeto, le ti ala gi na vundu.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Ndia ti fani use ni 28:37

Na ndo ti amara so kue KOTA GBIA ayeke gue na ala daa, fade li ti azo ni kue ayeke kpe ndali ti ye so asi na ala. Ala yeke ga mbeni ye ti *mato na ye so azo ayeke he na ngia.