Jérémie 51:35 - Mbeti ti Nzapa - Tënë so amu fini

³⁵ Azo ti gbata ti *Sion atene: Ayeke nzoni aye ti ngangu so Babilone asara na e akiri na ndö ti lo! Azo ti Jérusalem atene: Ayeke nzoni ngbanga ti mene ti e akiri na ndö ti azo ti Kalde!”

Jérémie 51:35 ပူးပေါင်းရင်းမြစ်များ

Tongo nda ti aye 16:5

Sarai atene na Abram: “Mbana so Agar ayeke sara na mbi so, tënë ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA afâ ya ti ngbanga so ayeke na popo ti mbi na mo.”

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 9:12

Ala he bia na KOTA GBIA, lo so mbata ti lo ti gbia ayeke na *Sion; ala tene na amara tënë ti akota ye so lo sara.

Jérémie 50:10

Fade aye ti Babilone kue ayeke ga tongana ye so a gbu na peko ti bira; azo so kue ayeke nzi aye ni so, ala yeke nzi ni ngbii alingbi na ala; so tënë ti yanga ti KOTA GBIA laa.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Abia ti demango tere 1:22

Asioni ye so ala sara so, ayeke nzoni asi na le ti mo, mo baa! Ye so mo sara na mbi ndali ti sioni ti mbi so, ayeke nzoni mo sara nga na ala tongaso. Baa, mbi yeke dema, mbi yeke dema; aye so kue asara mbi kobela.

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”

Awafango-ngbanga 9:20

Tongana ayeke tongaso pepe, ayeke nzoni wâ asigigi na ya ti Abimelek agbi akota zo ti Sishem nga na azo ti Bet-Milo. Ayeke nzoni wâ asigigi nga na ya ti akota zo ti gbata ti Sishem na azo ti Bet-Milo agbi Abimelek.”

Awafango-ngbanga 9:24

Tongaso si sioni so Abimelek asara, lo wara ye ti peko ni, ngbanga ti so lo fâ a-ita ti lo, amolenge ti Yerubaal balembarambara kue. Ti azo ti Sishem, sioni so ala sara, ala wara ye ti peko ni, ngbanga ti so ala mu maboko na Abimelek titene lo fâ a-ita ti lo.