Jérémie 51:34 - Mbeti ti Nzapa - Tënë so amu fini

³⁴ “Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Jérémie 51:34 ပူးပေါင်းရင်းမြစ်များ

Mbeti ti Job 20:15

Amosoro so lani lo gbu na ngangu si lo mene so, fade lo yeke de ni. Nzapa ayeke sara si amosoro ni alondo na ya ti lo asigigi.

Abia (Psaumes) 74:13

Mo laa mo kangbi ya ti kota ngu-ingo na lege ti ngangu ti mo, mo laa mo fâ li ti asioni nyama ti kota ngu-ingo.

Amato 1:12

E mene ala na fini ni tongana ti so du ti kuâ ayeke mene akuâ; e mene ala na ngbongboro ni, titene ndo ti akuâ ni amene ala.

Ésaïe 34:11

Kodro ni ayeke ga ti andeke ti bi na ti abelu; akete ndeke ti bi na *akpakpo ayeke lango daa. KOTA GBIA ayeke gboto kamba ti haka na ni si lo yeke buba ni; lo yeke haka ni, ayeke ga senge, ye oko ayeke daa pepe.

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:49

Na dunia kue, azo mingi akui ndali ti Babilone. Legeoko nga, alingbi Babilone ati ndali ti azo ti Israel so akui ndali ti lo so.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Abia ti demango tere 2:16

Awato ti ala azi yanga ti ala ti gi tënë na ala. Ala yeke huru yanga ti ala, ala yeke te pembe ti ala na ngonzo si ala yeke tene: “E yeke hunzi ala hunzingo. Een! Lango ni alingbi awe! E ku lango ni ngbii, e si daa awe, e baa ni awe!”

Ezekiel 36:3

Fadeso mo tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: Mbage na mbage, azo abuba ala si asara nzara ti ala; amara nde amu ala ti ga ye ti ala; azo ahe ala na ngia si azonga ala.

Osée 8:8

“A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.

Amos 8:4

Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Nahum 2:2

Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [