Jérémie 51:29 - Mbeti ti Nzapa - Tënë so amu fini

²⁹ Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 51:29 ပူးပေါင်းရင်းမြစ်များ

Ésaïe 14:16

Azo so ayeke baa mo, le ti ala ayeke ngba gi ti baa mo kpoo. Ala yeke dabe ti ala na mo si ala tene: “Koli so ando ayeke yingi sese so, lo so ando lo yeke sara si akodro-gbia ado so, lo laa biani?

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Jérémie 50:13

Ndali ti ngonzo ti KOTA GBIA, fade kodro ni kue ayeke ga ngonda, zo ayeke kiri ti lango daa pepe. Azo so kue ayeke hon na tere ni, li ti ala kue ayeke kpe. Ala yeke huru yanga ti ala na bango aye so kue abuba na ya ni.

Jérémie 50:36

Bira aga na tere ti azo ti bingo mbadi! Ayeke nzoni ala ga azo ti buba! Bira aga na tere ti aturugu ti Babilone! Ayeke nzoni mbeto ahon ndö ti ala!

Jérémie 50:43

So gbia ti Babilone ama tënë ni, ngangu ti lo kue ahunzi, vundu agbu be ti lo si lo baa pasi tongana wali na ndembe ti dungo ni.

Jérémie 50:45

Azo, ala ma tënë ti ye so KOTA GBIA agbu li ti lo ti sara na Babilone, tënë ti ye so lo leke na be ti lo ti sara na azo ti kodro ni. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 50:46

Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Jérémie 51:26

Zo wa laa ayeke kiri ti wara na ndo ti mo ngangu têne ti gere ti da wala têne ti sarango na gere ti da? Biani, fade mo ga ngonda kpu na kpu”; so tënë ti yanga ti KOTA GBIA laa.

Jérémie 51:28

Ala bongbi amara ti tiri bira na lo; so ti tene agbia ti Medii, ala na agovoronere ti ala, na akota komanda ti ala nga na kodro so kue ala yeke sara komandema na ndö ni.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Amos 8:8

Ndani laa, fade sese ayeke yingi si azo ti kodro ni kue ayeke duti na vundu. Fade sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.