Jérémie 51:28 - Mbeti ti Nzapa - Tënë so amu fini

²⁸ Ala bongbi amara ti tiri bira na lo; so ti tene agbia ti Medii, ala na agovoronere ti ala, na akota komanda ti ala nga na kodro so kue ala yeke sara komandema na ndö ni.

Jérémie 51:28 ပူးပေါင်းရင်းမြစ်များ

Tongo nda ti aye 10:2

Amolenge ti Yafet ayeke so: Gomer, Magog, Madai, Yavan, Tubal, Meshek na Tiras.

1 Mbai 1:5

Amolenge ti Yafet ayeke Gomer, Magog, Madai, Yavan, Tubal, Meshek na Tiras.

Esther 1:3

lo leke mbeni kota matanga ti tengo kobe ndali ti akota zo ti kua ti lo kue na akota zo ti akua nde nde. Lo leke nga ni ndali ti akota zo so ayeke na li ti aturugu ti Perse na ti Medii, nga ndali ti azo so azo ane ala mingi na akota zo ti kua ti kodro ni kue.

Esther 10:2

Akota kua so gbia asara na lege ti ngangu ti lo na ti komandema ti lo, nga na ye oko oko so lo sara si Mardochée awara kota ndo, a su atënë ni kue na ya ti ambeti-sango ti ngu oko oko ti agbia ti kodro ti Medii na ti Perse.

Ésaïe 13:17

KOTA GBIA atene: “Mbi yeke tokua azo ti mara ti Medii na tere ti ala; azo ni ayeke sara nzara ti nginza pepe, ala yeke nga na nzara ti lôro pepe.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 25:25

– agbia kue ti Zimri, ala ti Elam na ala ti Medii kue;

Jérémie 50:41

Mbeni mara alondo na mbage ti Banga ti ga, so ayeke mbeni kota mara; agbia mingi ayeke na lege ti gango ni, ala londo na nda ti sese kue.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:27

Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Daniel 6:1

Na pekoni Darius, zo ti Medii amu mbata ti gbia na ndembe so lo yeke na ngu baleomene na use.

Daniel 6:8

Agbenyogbia kue ti kodro ni, akota komanda na amakonzi, awamungo-wango na agovoronere ama tere. Gbia, tongana mo yeda, fade mo mu mbeni kota mbela ti kanga lege na mbeni sarango ye ti azo. Tënë ti ya ni ayeke duti tongaso: na ya ti lango baleota, fade zo avoro mbeni nzapa nde pepe, wala lo voro mbeni zo nde pepe, gi mo oko. Tongana zo ni ake, o gbia, mo bi lo na ya ti du ti abamara.

Daniel 8:20

Koli-taba so mo baa lo si lo yeke na didi use so ayeke agbia ti Medii na ti Perse.

Daniel 9:1

Darius, molenge ti Zerses, zo ti mara ti Medii laa ayeke gbia na ndö ti kodro ti Babilone.