Jérémie 51:27 - Mbeti ti Nzapa - Tënë so amu fini

²⁷ Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Jérémie 51:27 ပူးပေါင်းရင်းမြစ်များ

Tongo nda ti aye 10:3

Amolenge ti Gomer ayeke so: Ashekenaz, Rifat na Togarma.

Tongo nda ti aye 8:4

Na lango baleoko na mbarambara ti nze mbarambara ni, mangboko ni ague, aduti na ndö ti hoto ti Arara.

2 Agbia 19:37

Mbeni lâ, so lo yeke sambela na ya ti da ti nzapa ti lo Nisrok, Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

1 Mbai 1:6

Amolenge ti Gomer ayeke Ashekenaz, Difat na Togarma.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 46:23

So tënë ti yanga ti KOTA GBIA laa: Ala yeke fâ gbako ti lo na sese; gbako ni akanga lani mingi, zo alingbi ti hon na ya ni pepe. Biani, awato ni awu mingi ahon agbadola, zo alingbi ti diko ala pepe.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 50:3

Biani, mbeni mara alondo na mbage ti Banga ti ga ti sara bira na Babilone. Lo yeke sara si kodro ti lo aga ngonda, zo ayeke kiri ti lango daa pepe; azo na anyama, ala kue ayeke kpe, ala kue kue kue ayeke hon.

Jérémie 50:9

Biani, mbi yeke sara si azo ti amara nde gbani gbani abongbi, mbi yeke tokua ala ti gue ti tiri bira na Babilone. Azo ni ayeke londo na mbage ti Banga ti ga, ala yeke leke tere ti ala ti tiri bira na Babilone si ala yeke mu ni. Ale ti kokora ti azo ni ayeke kiri senge pepe tongana ti so ngangu turugu so ahinga kua ti lo, lo yeke kiri ka na kodro maboko senge pepe.

Jérémie 51:12

Ala yo na nduzu mbeni bendere so afa atene, ala yeke nduru ti tiri bira. Ala zia bendere ni na tere ti agbagba ti Babilone! Ala sara si wungo ti aturugu so ayeke bata ndo ni aga mingi ahon ti kozoni! Ala zia asanziri na tere ti agbagba ni; ala honde azo na ya ti ngonda! Biani, ye so KOTA GBIA aleke na be ti lo ti sara na azo ti Babilone so, lo yeke sara ye alingbi na ni.

Jérémie 51:14

KOTA GBIA so ayeke na ndö ti dunia kue adeba na iri ti lo wani na Babilone, atene: “Mbi yeke sara si azo asi singo na ndo ti mo; ala duti gbani gbani tongana agbadola. Azo ni ayeke dekongo tongana azo so ayeke ko ale ti *vinye ti sara na vin.”

Jérémie 51:28

Ala bongbi amara ti tiri bira na lo; so ti tene agbia ti Medii, ala na agovoronere ti ala, na akota komanda ti ala nga na kodro so kue ala yeke sara komandema na ndö ni.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Zakarii 14:2

Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Awafango-ngbanga 6:5

Tongana azo ti Madian ayeke londo ti gue na tere ti azo ti Israel, ala yeke mu anyama ti ala nga na ada ti ala ti bongo kue; ala yeke gue gbani gbani tongana akinda-gozo, ala na *azambala ti ala, zo alingbi ti diko wungo ti ala pepe. Ala mu ya ti kodro ni kue si ala buba ni kue.