Jérémie 51:22 - Mbeti ti Nzapa - Tënë so amu fini

²² Mbi mu mo ti nika akoli na awali, amaseka na akangba, amolenge-koli na amolenge-wali.

Jérémie 51:22 ပူးပေါင်းရင်းမြစ်များ

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Ésaïe 13:15

Azo so kue a yeke wara ala, fade a yeke kpo ya ti ala na likongo, azo so kue a yeke gbu ala, a yeke fâ ala na yongoro zeme.

Ésaïe 13:16

A yeke do ya ti amolenge ti ala taa na le ti ala, a yeke nzi aye ti da ti ala, a yeke gbu awali ti ala na ngangu ti lango na ala.

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Ésaïe 20:4

Fade gbia ti Asirii ayeke gbu azo ti Ezipte ti gue na ala na kodro wande, lo yeke gbu azo ti Etiopii ti gue na ala na kodro ti lo: amaseka na ambakoro. Lo yeke gue na ala tere ti ala senge, gere ti ala senge, ngbonda ti ala senge. Fade ayeke duti ye ti kamene na azo ti Ezipte!

Jérémie 44:7

“Fadeso, tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Ala ngba ti sara sioni gbani gbani na ala wani tongaso ngbanga ti nyen? Ala ye ti hunzi azo ti mara ti Juda hunzingo: akoli, awali, amaseka na amolenge so angba ti nyon me? Ala ye titene mbeni zo oko ti ala akiri angba na fini pepe?

Jérémie 50:37

Bira aga na tere ti ambarata na apusu ti mbarata ti lo! Bira aga na tere ti amara nde nde so ayeke tiri bira ndali ti lo! Ayeke nzoni ala ga tongana awali! Bira aga na tere ti amosoro ti lo! Ayeke nzoni a nzi amosoro ni kue!

Jérémie 51:23

Mbi mu mo ti nika awabatango-taba na ataba ti ala, azo ti fango yaka na abagara so ayeke gboto amasini ti fango na yaka ti ala, agovoronere na akota komanda.”

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Abia ti demango tere 2:21

Akuâ ti amolenge na ti akangba alango na ndö ti alege kirikiri. Amaseka-wali na amaseka-koli ti mbi akui kuâ ti yongoro zeme. Na lango so ngonzo ti mo alondo, mo fâ azo kirikiri, mo sara mawa ti zo oko pepe.

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”