Jérémie 51:16 - Mbeti ti Nzapa - Tënë so amu fini

¹⁶ So lo dekongo awe, gba ti angu abongbi tere na yayu, lo sara si angbongboro mbinda alondo na nda ti sese kue si ayeke ma na nduzu, lo sara si wâ ti bekpa amu lege na ngu-Nzapa ti pika; lo sara si pupu alondo na ndo so lo bata ala daa ti sigigi.

Jérémie 51:16 ပူးပေါင်းရင်းမြစ်များ

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

Mbeti ti Job 37:13

Nzapa atokua ala ti pika azo ti ndö ti sese, wala ti fa na ala nzoni be ti lo.

Mbeti ti Job 38:22

Mo gue ngbii mo si na ndo so a bata *neze daa? Ndo so a bata *apembe ti bekpa daa, mo baa ni awe?

Mbeti ti Job 40:9

Ngangu ti maboko ti mo alingbi na ti mbi Nzapa? Go ti mo atoto alingbi na sungbango ti bekpa ti mbi?

Abia (Psaumes) 104:7

Mo suku na angu ni si ala kpe ahon; gi so ala ma toto ti bekpa ti mo, ala kpe ahon.

Abia (Psaumes) 135:7

Lo sara si ambinda alondo kâ na nda ti sese si ague na nduzu; lo sara wâ ti bekpa titene ngu-Nzapa apika, lo sigigi na pupu na ndo so lo bata ni daa.

Abia (Psaumes) 147:18

Gi so lo mu yanga, apembe ti bekpa aga ngu; lo sara si pupu aya si ngu asua.

Abia (Psaumes) 18:13

Mbeni wâ aza, avuru ndo kue na dawa ti lo, ambinda, *apembe ti bekpa na ale ti wâ asigigi daa.

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Abia (Psaumes) 68:33

Akodro-gbia ti sese, ala he bia na Nzapa, ala he bia ti gonda na Kota Gbia! Luti kete

Abia (Psaumes) 78:26

Na yayu kâ, Nzapa asara si pupu ti To aya, na lege ti ngangu ti lo, lo mu yanga si pupu ti Mbongo aya.

Sigingo 10:13

Moïse ayoro keke ti lo na ndö ti Ezipte si KOTA GBIA atokua mbeni pupu ti To na ndö ti kodro ni. Pupu ni aya na kota lâ kue nga na bi kue. Na ndaperere, pupu ti To ni aga na agbadola awe.

Sigingo 10:19

KOTA GBIA asara si ngangu pupu ti Do aya, ahon na agbadola ni si atuku ala na ya ti kota ngu-ingo ti Asosongo. Gbadola oko angba na sese ti Ezipte pepe.

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Ezekiel 10:5

*Akpangi ti asheruben ni atoto si a ma ni na ya ti gbagba ti mbage ti gigi kâ. Toto ni akpa go ti Nzapa so ngangu ti lo ahon angangu kue tongana lo yeke tene tënë.

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

Jonas 1:4

Me KOTA GBIA atokua mbeni kota pupu na le ti kota ngu-ingo. Kota pupu ni ayeke ya ngangu si ya ti mangboko ni aye ti fâ.

Jonas 4:8

Na pekoni, so lâ asigigi awe, Nzapa asara si mbeni kota pupu ti To so ayeke wâ mingi alondo si ayeke ya ngangu ngangu. Lâ asu Jonas ngangu, angba kete ka lo hon na ndö ti yingo ti lo. Jonas airi kuâ na tere ti lo, lo tene: “Titene mbi kui, ayeke nzoni ahon titene mbi ngba na fini.”