Jérémie 51:12 - Mbeti ti Nzapa - Tënë so amu fini

¹² Ala yo na nduzu mbeni bendere so afa atene, ala yeke nduru ti tiri bira. Ala zia bendere ni na tere ti agbagba ti Babilone! Ala sara si wungo ti aturugu so ayeke bata ndo ni aga mingi ahon ti kozoni! Ala zia asanziri na tere ti agbagba ni; ala honde azo na ya ti ngonda! Biani, ye so KOTA GBIA aleke na be ti lo ti sara na azo ti Babilone so, lo yeke sara ye alingbi na ni.

Jérémie 51:12 ပူးပေါင်းရင်းမြစ်များ

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 13:2

*KOTA GBIA atene: “Na ndö ti hoto so ndö ni ayeke senge, ala ya bendere na nduzu, ala dekongo na aturugu, ala sara maboko na ala titene ala ga na yanga ti da ti akota zo.

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 4:28

Ndani laa, fade sese ayeke mua si le ti nduzu, yongoro na nduzu kâ ayeke vuko. Mbi tene tënë so awe, awe! Be ti mbi ayeke so daa pepe; mbi yeke kiri na ndö ni mbeni pepe.”

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 50:25

KOTA GBIA azi yanga ti da ti batango aye ti bira ti lo; lo sigigi na aye ti bira ni ti fa ngonzo ti lo. Na kodro ti Babilone, kua ayeke kâ ndali ti Kota Gbia, NZAPA so ayeke na ndö ti dunia kue.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:27

Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Abia ti demango tere 2:17

KOTA GBIA asara ye so lo leke na be ti lo ti sara; lo sara ye alingbi na tënë ti yanga ti lo, tënë so lo leke na be ti lo ando kozoni so. Lo buba kodro ni kue awe; lo baa mawa ti zo oko pepe. Lo mu lege na awato ti he gbata ti Jérusalem; lo kiri lo mu ngangu mingi na awato ni.

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Nahum 2:1

Ala azo ti Juda, baa mbeni zo alondo na ndö ti ahoto ayeke ga, lo yeke ga na nzoni tënë: lo yeke tene tënë ti siriri! Ala sara amatanga ti ala, ala sara ye alingbi na zendo so ala mu na Nzapa. Zo ti sioni pialo ti bubango ndo so ayeke kiri ti hon na ya ti kodro ti ala pepe; ti lo ahunzi biani biani awe.

Josué 8:14

Na ndaperere, so gbia ti Ai abaa azo ti Israel, lo na aturugu ti lo kue asigigi hio na ya ti gbata ni ti gue ti tiri bira na azo ti Israel, na oko ndo so lani ala tiri bira kozoni daa so; ndo ni ayeke na mbage ti popo-hoto ti Jourdain. Me lo hinga pepe lo tene, ambeni turugu ahonde tere ti ala na mbage ti peko ti gbata ni.