Jérémie 50:9 - Mbeti ti Nzapa - Tënë so amu fini

⁹ Biani, mbi yeke sara si azo ti amara nde gbani gbani abongbi, mbi yeke tokua ala ti gue ti tiri bira na Babilone. Azo ni ayeke londo na mbage ti Banga ti ga, ala yeke leke tere ti ala ti tiri bira na Babilone si ala yeke mu ni. Ale ti kokora ti azo ni ayeke kiri senge pepe tongana ti so ngangu turugu so ahinga kua ti lo, lo yeke kiri ka na kodro maboko senge pepe.

Jérémie 50:9 ပူးပေါင်းရင်းမြစ်များ

2 Samuel 1:22

Na dawa ti azo so alingbi ti fâ ala, na dawa ti angangu wato, kokora ti Jonatan ayeke kiri ka na peko pepe, yongoro zeme ti Saul ayeke kiri ka senge pepe.

B. ti abia 3:8

Ala kue ayeke na yongoro zeme, ala manda lege ti tiringo bira nzoni. Zo oko oko akanga yongoro zeme ti lo na ngbonda ti lo ti bata na tere ti lo ndali ti sioni ti bi.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Jérémie 15:14

Fade mbi yeke sara si mo ga ngbaa ti awato ti mo na ya ti kodro so mo hinga ni pepe. Biani, wâ ti ngonzo ti mbi alondo awe; wâ ni ayeke gbi ti ga na ndö ti ala.”

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 25:26

– agbia kue ti Banga, ataa ala yeke nduru, wala ala yeke na yongoro ndo. Akodro-gbia ti dunia kue, ala so kue ayeke na ndö ti le ti sese, ala oko oko kue ayeke nyon kopo so na peko ti tere na peko ti tere. Na peko ti ala kue, gbia ti Sheshak laa ayeke nyon ni.

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:21

KOTA GBIA atene na wato ti Babilone, lo tene: “Londo, mo tiri bira na kodro ti Maratim, tiri bira na azo ti Pekod. Mo fâ azo ni kue, mo hunzi ala! Mo sara ye so kue alingbi na yanga so mbi mu na mo!

Jérémie 50:26

Ala azo, ala londo na nda ti sese kue, ala ga na ya ti gbata ni! Ala zi yanga ti agogoro ti lo, ala bongbi amosoro ti lo na ndö ti tere, na pekoni, ala buba gbata ni! Ayeke nzoni ye oko angba na ya ni pepe.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 50:3

Biani, mbeni mara alondo na mbage ti Banga ti ga ti sara bira na Babilone. Lo yeke sara si kodro ti lo aga ngonda, zo ayeke kiri ti lango daa pepe; azo na anyama, ala kue ayeke kpe, ala kue kue kue ayeke hon.

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!