Jérémie 50:7 - Mbeti ti Nzapa - Tënë so amu fini

⁷ Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Jérémie 50:7 ပူးပေါင်းရင်းမြစ်များ

Abia (Psaumes) 71:5

Kota Gbia NZAPA, na ndembe so mbi de molenge ngbii asi laso, mbi zia be ti mbi ti ku mo, mbi zia be ti mbi na ndö ti mo.

Abia (Psaumes) 79:7

Biani, ala hunzi azo ti mara ti Jacob awe, ala buba sese ti lo kue awe.

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 56:9

Ala anyama kue ti ngonda, ala anyama kue ti gbako, ala ga ate ye!

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Jérémie 10:25

Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Jérémie 14:8

KOTA GBIA, mo laa Israel alingbi ti zia be ti lo na ndö ti mo, mo soo lo na ndembe ti ye ti ngangu. Ngbanga ti nyen si mo yeke sara ye tongana wande na ya ti kodro so? Ngbanga ti nyen si mo yeke sara ye tongana gene so alango gi bi oko si lo mu lege ti hon so?

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 31:23

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “Tongana mbi sara titene kodro ti Juda na agbata ti Juda akiri na kozo ndo ti ala, tënë so azo ayeke kiri ti tene laa: ‘Ayeke nzoni KOTA GBIA asara tufa na ndö ti mo, hoto ti *Sion so mo yeke nde si mo yeke nzoni kue; mo yeke ndo ti mbirimbiri!’

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 50:33

Tënë so KOTA GBIA so ayeke na ndö ti dunia kue atene ayeke so: “Azo ti Israel nga na azo ti Juda, azo asara sana na ala. Azo so lani agbu azo ti Israel na azo ti Juda si ague na ala na kodro wande, azo ni agbanzi ala, ala ke ti zia lege na ala ti gue.

Ezekiel 34:5

Ataba ni akangbi kirikiri, ngbanga ti so wabatango ala ayeke daa pepe. Ataba ni aga kobe ti anyama kue ti ngonda; ala kangbi kirikiri.

Ezekiel 35:12

Tongaso, fade mo yeke hinga, mo tene, mbi yeke KOTA GBIA; mbi ma azongango ndo so kue mo zonga na ahoto ti Israel, mo tene: ‘Ahoto ni aga benyama awe! A mu ala na e titene e te!’

Daniel 9:16

Kota Gbia, mo sara ando aye ti mbirimbiri mingi. Tongaso, ayeke nzoni sioni ngonzo ti mo ahon yongoro na tere ti Jérusalem, gbata ti mo na hoto ti mo so ayeke nde si ayeke nzoni kue so. Ndali ti siokpari ti e na ti akotara ti e, amara so kue angoro e ayeke zonga Jérusalem na azo ti mo.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 11:5

Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.