Jérémie 50:46 - Mbeti ti Nzapa - Tënë so amu fini

⁴⁶ Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Jérémie 50:46 ပူးပေါင်းရင်းမြစ်များ

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Jérémie 46:12

Amara nde ama tënë ti ye ti kamene so asi na mo, ngbanga ti so demango tere ti mo amu ndo kue. Ngangu zo ti bira ati na ndö ti mbeni ngangu zo ti bira; ala use kue ati legeoko gburrr.

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Jérémie 49:21

Gi so azo ama tënë ti tingo ti ala awe, sese ayingi; azo ama dekongo ti ala kâ na kota ngu-ingo ti Asosongo.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 51:54

Ala ma si: A ma dekongo so alondo na Babilone; wuluwulu ti mbeni ye so abuba ahon ndoni alondo na kodro ti Kalde.

Ezekiel 26:18

Fadeso, azo ti yanga ti ngu ayeke do na mbeto ndali ti tingo ti mo; azo so alango yongoro na ya ti azoa, mbeto ahon ndö ti ala, ngbanga ti so, ti mo ahunzi awe.’

Ezekiel 27:28

Azo so ayeke lango na yanga ti ngu ayeke do na mbeto na mango dekongo ti azo ti mo so ayeke sara kua na ya ti mangboko ni.

Ezekiel 31:16

Na ndembe so mbi sara si keke so ati si azu na ndo ti akuâ legeoko tongana azo so ali na du na kuâ, azo ama toto ti tingo ti lo ni, tere ti ala ato nda ti do na mbeto. Kâ na gbe ti sese, akeke kue ti Eden, akeke so apendere mingi na ala so awara ngu ti Liban gbani, ala kue be ti ala ade.

Ezekiel 32:10

Ndali ti mo, mbi yeke sara si gba ti amara abaa sioni. Be ti agbia ti ala ayeke do na kota mbeto tongana mbi yoro yongoro zeme na le ti ala. Na lango so mo yeke ti na sese, fade tere ti ala ayeke ngba ti do dongo; zo oko oko ayeke sara mbeto ndali ti fini ti lo wani.