Jérémie 50:4 - Mbeti ti Nzapa - Tënë so amu fini

⁴ Na lango ni so, na ngoi ni kâ, azo ti Israel na azo ti Juda ayeke londo legeoko ti kiri; so tënë ti yanga ti KOTA GBIA laa. Na toto na yanga ti ala, ala yeke tambula ti ga ti gi peko ti mbi, KOTA GBIA Nzapa ti ala.

Jérémie 50:4 ပူးပေါင်းရင်းမြစ်များ

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Abia (Psaumes) 105:4

Ala gi KOTA GBIA, ala gi ngangu ti lo, ala gi le ti lo lakue.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Jérémie 31:31

“Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 41:6

Ismael, molenge ti Netania, alondo na Mispa ti gue ti wara ala; na guengo ti lo, lo yeke toto. So lo si na tere ti ala, lo tene na ala: “Ala ga, e gue na ndo ti Gedalia, molenge ti Ahikam.”

Ezekiel 16:61

Na ndembe so mo yeke yamba a-ita ti mo ti wali, ayaya ni na angambe ni, fade mo yeke dabe ti mo na lege ti sarango ye ti mo si li ti mo ayeke ne na kamene. Mbi yeke zia a-ita ti mo ni na gbe ti komandema ti mo, me ala yeke sara mbuki na mo pepe.

Ezekiel 39:25

“Me tënë so mbi Kota Gbia NZAPA, mbi tene ayeke so: Fadeso, mbi yeke sara si gigi ti *ahale ti Jacob aga nzoni, mbi yeke baa mawa ti azo ti Israel kue, mbi yeke sara mbanda ti iri ti mbi so ayeke nde si ayeke nzoni kue so.

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!