Jérémie 50:37 - Mbeti ti Nzapa - Tënë so amu fini

³⁷ Bira aga na tere ti ambarata na apusu ti mbarata ti lo! Bira aga na tere ti amara nde nde so ayeke tiri bira ndali ti lo! Ayeke nzoni ala ga tongana awali! Bira aga na tere ti amosoro ti lo! Ayeke nzoni a nzi amosoro ni kue!

Jérémie 50:37 ပူးပေါင်းရင်းမြစ်များ

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 45:3

Mbi yeke mu na mo amosoro so alu na gbe ti sese nga na amosoro so ahonde. Tongaso si mo hinga, mo tene, mbi laa mbi yeke KOTA GBIA. Sirus, mbi iri mo taa na iri ti mo, mbi so mbi yeke Nzapa ti Israel.

Jérémie 25:20

na amara nde nde so kue ayeke lango na Ezipte; – agbia ti kodro ti Us; – agbia ti sese ti Filistii: ala ti Askalon, ti Gaza, ti Ekron na tanga ti azo ti Asdod;

Jérémie 25:24

– agbia kue ti Arabii na agbia ti amara nde nde so ayeke lango na benyama;

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Jérémie 50:10

Fade aye ti Babilone kue ayeke ga tongana ye so a gbu na peko ti bira; azo so kue ayeke nzi aye ni so, ala yeke nzi ni ngbii alingbi na ala; so tënë ti yanga ti KOTA GBIA laa.

Jérémie 50:26

Ala azo, ala londo na nda ti sese kue, ala ga na ya ti gbata ni! Ala zi yanga ti agogoro ti lo, ala bongbi amosoro ti lo na ndö ti tere, na pekoni, ala buba gbata ni! Ayeke nzoni ye oko angba na ya ni pepe.

Jérémie 51:21

Mbi mu mo ti nika ambarata na azo ti kpengo na ambarata ni, apusu ti mbarata na azo ti kpengo na apusu ni.

Jérémie 51:22

Mbi mu mo ti nika akoli na awali, amaseka na akangba, amolenge-koli na amolenge-wali.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:4

Azo so awara ka, fade ala yeke lango na ndö ti sese ti Babilone; azo so akui na ya ti bira, fade kuâ ti ala ayeke ngba na ndö ti alege kirikiri.

Ezekiel 30:5

Azo ti Etiopii, ti Put na ti Lud, ala ti Arabii na ti Libii, ataa azo ti Israel, ala yeke kui na ya ti bira.

Ezekiel 39:20

Matanga ti tengo kobe so mbi yeke iri ala ndali ni, fade ala yeke te ambarata na azo ti kpengo na mbarata ni, aturugu na angangu zo ti bira nde nde. So tënë ti yanga ti Kota Gbia NZAPA laa.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.