Jérémie 50:36 - Mbeti ti Nzapa - Tënë so amu fini

³⁶ Bira aga na tere ti azo ti bingo mbadi! Ayeke nzoni ala ga azo ti buba! Bira aga na tere ti aturugu ti Babilone! Ayeke nzoni mbeto ahon ndö ti ala!

Jérémie 50:36 ပူးပေါင်းရင်းမြစ်များ

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Jérémie 48:30

“So tënë ti yanga ti KOTA GBIA laa: Mbi hinga atënë ti baba ti lo. Me atënë ti baba ti lo ni na asarango ye ti lo ayeke senge senge.”

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 50:30

“Tongaso, fade amaseka-koli ti lo ayeke ti kirikiri na be ti lege, aturugu ti lo kue ayeke kui gi na lango ni so”; so tënë ti yanga ti KOTA GBIA laa.

Jérémie 51:23

Mbi mu mo ti nika awabatango-taba na ataba ti ala, azo ti fango yaka na abagara so ayeke gboto amasini ti fango na yaka ti ala, agovoronere na akota komanda.”

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:32

a mu ndo so azo ayeke fâ ngu daa na gere, a gbi asosongo awe, be ti aturugu afun kue awe.”

Nahum 2:8

Ala gbu nzapa-wali ti gbata ni, ala mu lo ahon na lo; awali so ayeke sara kua na lo, ala yeke dema tere ti ala tongana ambipa; ala zia maboko na ndö ti go ti fa mawa ti ala.

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.

Nahum 3:7

Azo so kue ayeke baa mo ayeke kpe si ala yeke dekongo, atene: “Ninive ati awe! Zo wa laa ayeke baa mawa ti lo, zo wa? Zo wa laa ayeke sara si be ti lo ade, zo wa?”

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!