Jérémie 50:33 - Mbeti ti Nzapa - Tënë so amu fini

³³ Tënë so KOTA GBIA so ayeke na ndö ti dunia kue atene ayeke so: “Azo ti Israel nga na azo ti Juda, azo asara sana na ala. Azo so lani agbu azo ti Israel na azo ti Juda si ague na ala na kodro wande, azo ni agbanzi ala, ala ke ti zia lege na ala ti gue.

Jérémie 50:33 ပူးပေါင်းရင်းမြစ်များ

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Sigingo 8:2

Aaron ayoro maboko ti lo na ndö ti angu ti Ezipte si akongba asigigi amu ya ti kodro ni kue.

Ésaïe 14:17

Lo so ando lo yeke sara si dunia aga benyama so, lo so ando lo yeke buba agbata si lo yeke ke ti zi azo ti kanga ti lo so, lo laa biani?”

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Jérémie 30:20

Ala yeke kiri ti ga tongana ti giriri; bongbi ti ala ayeke kiri ti luti mbirimbiri na dawa ti mbi. Mbi yeke ga na tere ti azo so kue ayeke sara ngangu na ala, ahale ti Jacob.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’