Jérémie 50:24 - Mbeti ti Nzapa - Tënë so amu fini

²⁴ Babilone, mbi leke kuku ndali ti mo; kuku ni agbu mo awe, me mo hinga ye oko daa pepe. A wara mo awe, a gbu mo awe, ngbanga ti so mo londo ti tiri bira na mbi, KOTA GBIA.”

Jérémie 50:24 ပူးပေါင်းရင်းမြစ်များ

Mbeti ti Job 15:25

Biani lo yoro maboko na le ti Nzapa; lo gi yanga ti Nzapa, lo so ngangu ti lo ahon angangu kue.

Mbeti ti Job 40:2

Mo so mo yeke ke tënë na Nzapa so ngangu ti lo ahon angangu kue so, mo kpa ti gi tënë na lo? Mo so mo yeke *bingbi tënë na Nzapa so, mo yeke na mbeni tënë ti kiri na ni?

Mbeti ti Job 40:9

Ngangu ti maboko ti mo alingbi na ti mbi Nzapa? Go ti mo atoto alingbi na sungbango ti bekpa ti mbi?

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Jérémie 48:43

“Kota mbeto, kota du na gbanda, ye so ayeke ndali ti ala, azo ti Moab laa; so tënë ti yanga ti KOTA GBIA laa.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.