Jérémie 50:21 - Mbeti ti Nzapa - Tënë so amu fini

²¹ KOTA GBIA atene na wato ti Babilone, lo tene: “Londo, mo tiri bira na kodro ti Maratim, tiri bira na azo ti Pekod. Mo fâ azo ni kue, mo hunzi ala! Mo sara ye so kue alingbi na yanga so mbi mu na mo!

Jérémie 50:21 ပူးပေါင်းရင်းမြစ်များ

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Agbia 18:25

KOTA GBIA biani laa ayeda titene gbia ti mbi ague ti tiri bira na ndo so a buba ni! KOTA GBIA laa atene na lo: Mo gue, mo tiri bira na kodro so, mo buba ni kue!’ ”

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 48:14

Ala kue, ala bongbi tere ti ala, ala ma! Mbi yeke na mbeni zo so mbi ye lo mingi. Lo laa lo yeke sara ande titene ye so mbi ye ti sara na Babilone aga taa-tënë; lo laa lo yeke sara si azo ti Babilone ahinga ngangu ti mbi. Me na popo ti ala, zo wa laa afa tënë so, zo wa?

Ésaïe 48:15

Mbi, mbi oko laa mbi tene tënë ni. Mbi iri lo, mbi sara si lo ga; aye so lo yeke sara, fade ayeke ga nzoni.”

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 48:10

Deba aga na ndö ti zo so ayeke sara kua ti KOTA GBIA na wokongo tere! Deba aga na ndö ti zo so ake titene yongoro zeme ti lo atuku mene!

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 50:3

Biani, mbeni mara alondo na mbage ti Banga ti ga ti sara bira na Babilone. Lo yeke sara si kodro ti lo aga ngonda, zo ayeke kiri ti lango daa pepe; azo na anyama, ala kue ayeke kpe, ala kue kue kue ayeke hon.

Jérémie 50:9

Biani, mbi yeke sara si azo ti amara nde gbani gbani abongbi, mbi yeke tokua ala ti gue ti tiri bira na Babilone. Azo ni ayeke londo na mbage ti Banga ti ga, ala yeke leke tere ti ala ti tiri bira na Babilone si ala yeke mu ni. Ale ti kokora ti azo ni ayeke kiri senge pepe tongana ti so ngangu turugu so ahinga kua ti lo, lo yeke kiri ka na kodro maboko senge pepe.

Ezekiel 23:23

Akoli ti Babilone, ti Kalde kue, ti Pekod, ti Shoa na ti Koa, ti Asirii si ayeke ga. Ala kue ayeke amaseka-koli so apendere mingi; ala yeke agovoronere, akota komanda, akpengba zo ti bira, akota zo ti kodro, azo so kue ahinga ti kpe na ambarata nzoni.

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”