Jérémie 50:15 - Mbeti ti Nzapa - Tënë so amu fini

¹⁵ Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 50:15 ပူးပေါင်းရင်းမြစ်များ

1 Mbai 29:24

Amakonzi kue, aturugu na amolenge ti David kue ayeda na komandema ti gbia Salomon.

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

Abia (Psaumes) 149:7

Tongaso, fade ala yeke kiri peko ti sioni na amara nde, ala yeke pika amara,

Abia (Psaumes) 94:1

*KOTA GBIA, Nzapa so ayeke kiri peko ti sioni na zo! Nzapa, mo so mo yeke kiri peko ti sioni na zo, fa tere ti mo na le ti azo!

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 59:18

Lo yeke futa zo oko oko alingbi na aye so zo ni asara. Azo so ake lo, ngonzo ti lo alondo na tere ti ala tongana wâ, awato ti lo, lo yeke kiri peko ti sioni na ala, ataa na azo ti azoa.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:25

KOTA GBIA azi yanga ti da ti batango aye ti bira ti lo; lo sigigi na aye ti bira ni ti fa ngonzo ti lo. Na kodro ti Babilone, kua ayeke kâ ndali ti Kota Gbia, NZAPA so ayeke na ndö ti dunia kue.

Jérémie 50:44

KOTA GBIA atene: Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Babilone makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Jérémie 51:14

KOTA GBIA so ayeke na ndö ti dunia kue adeba na iri ti lo wani na Babilone, atene: “Mbi yeke sara si azo asi singo na ndo ti mo; ala duti gbani gbani tongana agbadola. Azo ni ayeke dekongo tongana azo so ayeke ko ale ti *vinye ti sara na vin.”

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Jérémie 51:25

Biani, Babilone, mbi na mo, e yeke baa ya ni; so tënë ti yanga ti KOTA GBIA laa. Titene mo buba ye, mo yeke na ngangu tongana mbeni kota hoto; mo yeke buba aye ti ndö ti sese kue! Mbi yeke yoro maboko na le ti mo; mbi yeke sara si mo londo kâ na li ti kota têne, mo ti na sese. Mbi yeke sara si mo ga tongana hoto so wâ agbi ni kue.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:58

Tënë so KOTA GBIA so ayeke na ndö ti dunia kue atene ayeke so: “Akota gbagba ti Babilone akungbi kue awe, a gbi akota yanga ti gbagba ti kodro ni awe. Amara ayeke baa pasi na kua senge senge, kua so azo asara ayeke hunzi na le ti wâ!”

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Jérémie 51:64

Na pekoni, fade mo yeke tene: ‘Babilone ayeke linda ngu biani biani legeoko tongaso; lo yeke kiri ti sigigi pepe, ngbanga ti aye ti ngangu so KOTA GBIA asara si aga na ndö ti lo.’ ” “Amara awoko kue na kua.” Atënë ti Jérémie ahunzi na ndo so.

Abia ti demango tere 5:6

Titene e wara kobe ti tengo ni, e yeke yoro maboko ti e na azo ti Ezipte nga na azo ti kodro ti Asirii.

Ezekiel 17:18

So gbia ti Israel ni abaa dengo ba ni tongana mbumbuse ye, lo buba ya ti mbuki ni. So lo sara ye tongaso, fade lo yeke sigigi na ya ni pepe.

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Nzoni Tënë so Luc asu na mbeti 21:22

Biani, alango ni so ayeke duti alango so Nzapa ayeke kiri na azo peko ti aye ti sioni so kue ala sara si ye so kue Mbeti ti Nzapa atene tënë ni ayeke si alingbi na ni!

Rome 12:19

A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

Rome 3:5

Me so sarango ye ti kirikiri ti e asara si mbirimbiri ti Nzapa asigigi na le ti azo kue so, mbeni tënë ti tenengo ni ayeke daa? Nzapa ayeke kirikiri, ngbanga ti so lo yeke pika e na ngonzo ti lo? (Mbi tene tënë so tongana ti so azo ayeke tene.)

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

Ndia ti fani use ni 32:41

Mbi leke yanga ti yongoro zeme ti mbi awe, yanga ni ayeke za zango. Mbi ga nduru ti fâ ngbanga ti awato ti mbi awe, mbi ga nduru ti kiri na peko ti sioni ti ala na ala; mbi yeke kiri ti futa azo so ake mbi.

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Josué 6:20

Awayango-sandaga ahuru didi; gi so azo ama hurungo didi ni, ala dekongo ngangu si gbagba ni akungbi. Gi hio tongaso, azo ni ali na ya ti gbata ni, zo oko oko gi na dawa ti lo si ala mu gbata ni.

Josué 6:5

Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.

Aye so Nzapa afa 19:2

Fango ngbanga ti lo ayeke na lege ti taa-tënë si ayeke mbirimbiri! Lo fâ ngbanga na li ti kota wali-ndumba so abuba ndö ti sese na sarango aye ti ndumba ti lo. Nzapa afâ ngbanga na li ti lo ndali ti so lo fâ azo ti kua ti Nzapa.”

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.