Jérémie 50:12 - Mbeti ti Nzapa - Tënë so amu fini

¹² Kamene ahon ndö ti mama ti ala awe; lo so lo du ala so, lo ti buba awe. Fadeso lo ga ndangba ti amara kue, kodro ni aga benyama, aga kuru sese, lando so ahole kasakasa.”

Jérémie 50:12 ပူးပေါင်းရင်းမြစ်များ

Ésaïe 14:22

So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Ésaïe 23:13

Ala baa kodro ti azo ti Babilone: azo ni ayeke daa mbeni pepe. Asirii asara si kodro ni aga ndo ti anyama ti ngonda. Azo ti Asirii aleke ada so ayo na nduzu ti tiri bira na kodro ni, ala kungbi ayangbo ti kodro ni, ala sara si kodro ni aga ndo ti gba ti atêne.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 15:9

Wali so lani azo ayeke gonda lo atene, lo yeke na amolenge mbarambara so, fadeso ngangu ti lo ahunzi kue, lo yeke wu gi na nduzu, na nduzu. Ti lo, taa na kota lâ, lâ akui awe. Kamene ahon ndö ti lo, kamene agbu le ti lo. Ti ala so angba na fini, fade mbi yeke sara si ala kui kuâ ti yongoro zeme taa na le ti awato ti ala.” So tënë ti yanga ti KOTA GBIA laa.

Jérémie 22:6

“Tënë so KOTA GBIA atene ndali ti yangbo ti gbia ti Juda ayeke so: Ataa na le ti mbi, mo pendere tongana gbako ti sese ti Galaad, wala tongana li ti hoto ti Liban, biani, fade mbi yeke sara si mo ga tongana benyama, wala mbeni gbata so azo alango daa pepe.

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 25:26

– agbia kue ti Banga, ataa ala yeke nduru, wala ala yeke na yongoro ndo. Akodro-gbia ti dunia kue, ala so kue ayeke na ndö ti le ti sese, ala oko oko kue ayeke nyon kopo so na peko ti tere na peko ti tere. Na peko ti ala kue, gbia ti Sheshak laa ayeke nyon ni.

Jérémie 49:2

Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Jérémie 51:47

Ambeni lango ayeke ga so mbi yeke ga na tere ti ayanda ti Babilone. Kodro ni kue ayeke duti na ya ti kamene. Azo so akui kuâ ti bira, ala yeke ngba ti lango na sese na ya ti gbata ni.

Galasii 4:26

Me Jérusalem ti yayu ayeke na gbe ti ngbaa pepe; Jérusalem so laa ayeke mama ti e.

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”