Jérémie 50:11 - Mbeti ti Nzapa - Tënë so amu fini

¹¹ Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 50:11 ပူးပေါင်းရင်းမြစ်များ

Abia (Psaumes) 22:12

Duti yongoro na mbi pepe, ngbanga ti so ye ti ngangu aga nduru ti si na mbi si zo ti mu maboko na mbi ayeke daa pepe.

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 47:8

Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 46:20

Ezipte ayeke ando mbeni pendere mama ti bagara! Me mbeni sioni vuma alondo na mbage ti Banga, aga ati na ndö ti lo.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Jérémie 5:8

Ala yeke tongana akoli-mbarata so akono mingi! So ngoi ti ala ti gingo awali alingbi awe, ala yeke toto totongo na peko ti wali ti amba ti ala.

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Ezekiel 35:15

Na ndembe so a buba ye so aga ti azo ti Israel, tere ti mo anzere. Mbi yeke sara na mo gi oko ye so mo sara. Mo yeke ga benyama, mo na hoto ti Seir nga na sese ti Edom kue. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Osée 10:11

“Efraim ayeke tongana kete mama ti bagara so aleke lo nzoni si lo ye ti pika ale ti *ble. Tongana mbi baa konongo go ti lo, mbi ye fade ti kanga nengo keke na go ti Efraim; ka tongaso, Juda afâ ti lo yaka si Israel apika ti lo ya ti sese.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Abdias 1:12

Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Habakuk 1:15

Azo ti Babilone agbu azo tongana ti so a yeke gbu susu na yango, tongana ti so a yeke gboto susu na ya ti gbanda, tongana ti so a yeke gbu susu na ngbengbe. Na pekoni, azo ni ayeke na ngia, ala yeke dodo na ngia.

Zakarii 14:12

Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.