Jérémie 50:10 - Mbeti ti Nzapa - Tënë so amu fini

¹⁰ Fade aye ti Babilone kue ayeke ga tongana ye so a gbu na peko ti bira; azo so kue ayeke nzi aye ni so, ala yeke nzi ni ngbii alingbi na ala; so tënë ti yanga ti KOTA GBIA laa.

Jérémie 50:10 ပူးပေါင်းရင်းမြစ်များ

Ésaïe 33:23

Akamba so a kanga na tere ti amangboko, a zi ni awe; akamba ni akiri agbu keke ti mangboko ni pepe; a yeke kiri ti gboto bendere ni na nduzu pepe. Ndani laa azo ayeke kangbi na popo ti ala gba ti aye so ala gbu na peko ti bira. Ataa azo ti bubango gere ayeke gue ti nzi aye.

Ésaïe 33:4

Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Ésaïe 45:3

Mbi yeke mu na mo amosoro so alu na gbe ti sese nga na amosoro so ahonde. Tongaso si mo hinga, mo tene, mbi laa mbi yeke KOTA GBIA. Sirus, mbi iri mo taa na iri ti mo, mbi so mbi yeke Nzapa ti Israel.

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 50:26

Ala azo, ala londo na nda ti sese kue, ala ga na ya ti gbata ni! Ala zi yanga ti agogoro ti lo, ala bongbi amosoro ti lo na ndö ti tere, na pekoni, ala buba gbata ni! Ayeke nzoni ye oko angba na ya ni pepe.

Jérémie 50:37

Bira aga na tere ti ambarata na apusu ti mbarata ti lo! Bira aga na tere ti amara nde nde so ayeke tiri bira ndali ti lo! Ayeke nzoni ala ga tongana awali! Bira aga na tere ti amosoro ti lo! Ayeke nzoni a nzi amosoro ni kue!

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Jérémie 51:35

Azo ti gbata ti *Sion atene: Ayeke nzoni aye ti ngangu so Babilone asara na e akiri na ndö ti lo! Azo ti Jérusalem atene: Ayeke nzoni ngbanga ti mene ti e akiri na ndö ti azo ti Kalde!”

Ezekiel 11:24

Gi na ya ti oko ye so mbi baa na ya ti mbeni ye tongana bango-li, yingo ti Nzapa amu mbi na nduzu; lo kiri na mbi na Babilone na tere ti azo ti Israel so a gbu ala si a gue na ala kâ so. Tongaso, ye so mbi baa na ya ti mbeni ye tongana bango-li so, alondo na ndö ti mbi ahon.

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Aye so Nzapa afa 17:16

Adidi baleoko so mo baa so, ala na nyama ni ayeke ke ande wali-ndumba ni. Fade ala yeke mu aye so kue lo yeke na ni si ala yeke zia lo tere ti lo senge, ala yeke te kasa ti tere ti lo si ala yeke gbi lo na wâ.