Jérémie 5:30 - Mbeti ti Nzapa - Tënë so amu fini

³⁰ Mbeni ye ti sioni mingi na kota ye ti buba asi na ya ti kodro so awe:

Jérémie 5:30 ပူးပေါင်းရင်းမြစ်များ

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Jérémie 2:12

Ndali ni, ala so ayeke lango na yayu, ayeke nzoni li ti ala akpe; ala do na kota mbeto si ala duti na mawa! So tënë ti yanga ti KOTA GBIA laa.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Osée 6:10

Na kodro ti Israel, mbi baa akota ye ti buba: kâ, Efraim ayeke sara ye ti ndumba si Israel aga *sioni ndali ni.