Jérémie 5:28 - Mbeti ti Nzapa - Tënë so amu fini

²⁸ Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Jérémie 5:28 ပူးပေါင်းရင်းမြစ်များ

Mbeti ti Job 12:6

Ya ti da ti *azaragina ayeke na siriri, azo so ayeke gi yanga ti Nzapa ayeke duti kpoo, ngangu ti ala wani, ala baa ni tongana nzapa ti ala.

Abia (Psaumes) 119:70

Tënë ti ye oko agbu be ti azo ni pepe; me ti mbi, ndia ti mo anzere na mbi mingi.

Abia (Psaumes) 72:4

Ayeke nzoni gbia ni afâ ngbanga ti azo ti mawa na legeni! Ayeke nzoni lo soo azo so ye atia ala si lo nika zo so ayeke sara ngangu na ala!

Abia (Psaumes) 73:12

Baa, azo ti sioni so laa: mbeni ye ti so be ti ala ayeke daa pepe, mosoro ti ala angba ti gue na nduzu.

Abia (Psaumes) 73:4

Mbeni ye oko ti so be ti ala ayeke daa pepe ngbii asi na lango ti kuâ ti ala; ala kono, tere ti ala ayeke za zango.

Amato 15:25

KOTA GBIA ayeke kungbi na sese da ti azo ti baba; me lo yeke bata sese ti wali-mua titene zo andu ni pepe.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Jérémie 2:33

“Mo hinga kode ti tumbango peko ti andeko! Ti si na nda ti ye ti mo ni, mo gue daa ngbii ti sara sioni ahon ndoni si aga ye ti tere ti mo.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Zakarii 7:10

Ala sara mbana pepe na awali-mua nga na anyindu, wala na agene nga na azo ti mawa. Ayeke nzoni zo agbu li ti lo pepe ti sara sioni na mba ti lo.”

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.