Jérémie 5:26 - Mbeti ti Nzapa - Tënë so amu fini

²⁶ Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Jérémie 5:26 ပူးပေါင်းရင်းမြစ်များ

Abia (Psaumes) 64:5

Ala honde tere ti ala ti pika ale ti kokora ni na ndö ti zo so alingbi kue; gi hio tongaso, ala pika ale ti kokora ni, mbeto asara ala oko pepe.

Amato 1:11

Ala lingbi ti tene na mo: “Ga na peko ti e! E gue, e honde tere ti e titene e fâ azo so ayeke hon na lege. Azo so asara ye oko na e pepe so, e fâ ala senge senge!

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Jérémie 18:22

Ndali ti so ala sara kuku ti gbu na mbi si ala honde mbeni kamba titene agbu gere ti mbi, ayeke nzoni dekongo ti ala alondo na ya ti ada ti ala asigigi, na ndembe so mo yeke tokua awato ti ga na ndö ti ala gi hio tongaso.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 9:8

So tënë ti yanga ti KOTA GBIA laa: Ndali ti ye tongaso, fade mbi yeke ga na tere ti ala pepe? Mara ti azo tongaso, mbi yeke kiri na ala peko ti sioni so ala sara so pepe?”

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Nzoni Tënë so Luc asu na mbeti 5:10

Mbeto agbu nga Jacques na Jean, amolenge ti Zebede so ala yeke amba ti Simon. Jésus atene na Simon: “Sara mbeto pepe! Ti londo fadeso, mo yeke ga zo ti gingo azo.”