Jérémie 5:25 - Mbeti ti Nzapa - Tënë so amu fini

²⁵ Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Jérémie 5:25 ပူးပေါင်းရင်းမြစ်များ

Abia (Psaumes) 107:17

Ambeni aga azo ti buba ndali ti sarango ye ti kirikiri ti ala, ala ga azo ti mawa ndali ti sioni ti ala.

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Ésaïe 59:2

Sioni ti ala laa akangbi popo ti ala na Nzapa ti ala; siokpari ti ala laa asara si lo bi le ti lo yongoro si lo lingbi ti ma ala pepe.

Jérémie 14:1

Tënë ti *KOTA GBIA asi na Jérémie ndali ti ngu so apika pepe.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Abia ti demango tere 3:39

Tongana zo ade na fini le ti lo, ndani nyen ti toto tere ti lo so? Ayeke nzoni lo toto tere ti lo ndali ti asiokpari ti lo wani.

Abia ti demango tere 4:22

Azo ti gbata ti Sion, akpale so asi na ala na peko ti asioni ti ala aga nduru ti hunzi awe. Titene a gbu ala na ngangu a gue na ala na kodro wande, Nzapa ayeke kiri ti sara ye so pepe. Ti ala azo ti sese ti Edom, asioni ye so ala sara so, KOTA GBIA ayeke zia peko ni na ala senge pepe; fade lo yeke fa asiokpari ti ala na gigi.