Jérémie 5:24 - Mbeti ti Nzapa - Tënë so amu fini

²⁴ Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Jérémie 5:24 ပူးပေါင်းရင်းမြစ်များ

Tongo nda ti aye 8:22

Na ndembe so sese ayeke ngba, fade lungo le ti kobe wala kongo le ti kobe, ndo-wâ na de, ngoi ti ngu-Nzapa na buru, bi na lâ ayeke hunzi laoko pepe.”

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

Mbeti ti Job 29:23

Ala yeke ku mbi tongana ti so zo ayeke ku ngu-Nzapa. Ala zi yanga ti ala ti ku tongana ti so sese ayeke ku akozo ngu-Nzapa.

Mbeti ti Job 38:37

Zo wa laa alingbi ti diko ambinda na lege ti ndara ti lo si lo tuku ngu so kue a bata na yayu?

Mbeti ti Job 5:10

Lo yeke sara si ngu-Nzapa apika na ndö ti sese kue; lo yeke tokua ngu-Nzapa na ndö ti ayaka.

Abia (Psaumes) 147:8

Lo laa lo sara si mbinda amu le ti nduzu kue, lo leke ngu-Nzapa ndali ti sese; lo sara si apere asigigi na ndö ti ahoto.

Abia (Psaumes) 65:9

Azo so ayeke na nda ti sese kue, fade ala yeke sara mbeto ti mo ndali ti aye ti kpene so mo yeke sara. Na mbage ti To, na mbage ti Do, mo sara si azo adekongo na ngia.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Jérémie 10:13

So lo dekongo awe, gba ti angu abongbi tere na yayu, lo sara si angbongboro mbinda alondo na nda ti sese kue si ayeke ma na nduzu, lo sara si wâ ti bekpa amu lege na ngu-Nzapa ti pika; lo sara si pupu alondo na ndo so lo bata ala daa ti sigigi.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.

Zakarii 10:1

Ala hunda na *KOTA GBIA titene lo tokua na ala tanga ti ngu-Nzapa. KOTA GBIA laa ayeke sara si ngangu pupu ti ngu-Nzapa aya; fade lo yeke sara nga titene ngu-Nzapa apika mingi si lo yeke sara titene kugbe ti kasa amai na yaka ti zo oko oko.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Ndia ti fani use ni 28:12

KOTA GBIA ayeke zi le ti nduzu, ndo so lo yeke bata ngu-Nzapa daa; lo yeke sara si ngu ni apika na ngoi ni na ndö ti sese ti ala, ti sara si aye so kue ala yeke sara aga nzoni. Fade ala yeke hunda yongo na maboko ti zo oko pepe; me ala laa ayeke mu yongo na gba ti azo ti amara nde.

Jacques 5:7

A-ita, ala kanga be ti ala ti ku lango ti gango ti *Kota Gbia. Ala baa zo ti fango yaka: lo yeke kanga be ti lo ti ku anzoni kobe ti yaka ti lo, lo yeke ku ngbii akozo ngu-Nzapa na angu ti ndani apika si.

Aye so Nzapa afa 11:6

Ala yeke na ngangu ti kanga le ti nduzu si na ndembe so kue ala yeke tene peko ti tënë ti yanga ti Nzapa, ngu ayeke pika pepe. Ala yeke na ngangu na ndö ti angu kue ti sara si angu ni aga mene. Ala yeke nga na ngangu ti sara aye ti sioni nde nde na sese fani mingi tongana ti so be ti ala aye.