Jérémie 5:21 - Mbeti ti Nzapa - Tënë so amu fini

²¹ Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Jérémie 5:21 ပူးပေါင်းရင်းမြစ်များ

Abia (Psaumes) 94:8

Ala abuba zo so, mbeni zo ti buba ti lingbi na ala ayeke daa? Ala sara hange si! Ala, azo so li ti ala ayeke daa pepe so, ala yeke hinga ande ndo lawa?

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 43:8

Azo so le ti ala ayeke daa, me ala yeke baa ndo pepe so, azo so mê ti ala ayeke daa, me ala ma ndo pepe so, ala sigigi na ala.

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 5:20

KOTA GBIA atene: “Ayeke nzoni ala fa tënë so na *ahale ti Jacob. Ala sara si azo ti Juda ama tënë so.

Jérémie 5:4

Mbi tene na be ti mbi, mbi tene: “Azo so ayeke akete zo, ala hinga ndo pepe. Ye so KOTA GBIA aye, ala hinga ni pepe; ala hinga atënë ti ndia ti Nzapa ti ala pepe.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”

Ezekiel 12:2

“*Molenge ti zo, mo duti na popo ti azo ti mara ti ngangu li. Ala yeke na le, me ala yeke baa ndo pepe; ala yeke na mê, me ala yeke ma ndo pepe. Biani, ala yeke azo ti mara ti ngangu li.

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Marc 4:12

titene: ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe, ngbanga ti ala yeke zia ngbene lege ti sarango ye ti ala si Nzapa azi tënë na li ti ala.’ ”

Marc 8:18

Le ti ala ayeke daa ti baa na ndo pepe? Mê ti ala ayeke daa ti ma na ndo pepe? Li ti ala agirisa?

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Awatokua 28:26

‘Mo gue na tere ti azo so, mo tene na ala, mo tene: Fade ala yeke ma ndo nzoni, me ala yeke ma ya ti tënë oko pepe; ala yeke baa ndo nzoni, me ala yeke baa ye oko pepe.

Rome 1:20

Ti londo na ndembe so dunia abaa gigi, ambeni ye ti Nzapa ayeke daa so le ti zo ayeke baa pepe: ngangu ti lo so ayeke lakue lakue nga na dutingo ti lo ti Nzapa; azo so ayeke gbu li ti ala ayeke baa ni na lege ti aye so Nzapa asara. Tongaso ala yeke na tënë ti kiri na ni pepe.

Rome 11:8

tongana ti so Mbeti ti Nzapa atene: “Nzapa akanga lege ti hingango ndo ti ala, lo kanga le ti ala titene ala baa ndo pepe, lo kanga mê ti ala titene ala ma tënë pepe; lo sara tongaso ngbii asi laso.”

Ndia ti fani use ni 29:3

Me ngbene ye ngbii asi laso, KOTA GBIA ade ti mu na ala hingango ndo pepe ti ma ya ti aye so asi. Lo de ti mu na ala le pepe ti baa na ndo; lo de nga ti mu na ala mê pepe ti ma na ndo.

Ndia ti fani use ni 29:4

Na ya ti ngu baleosio, KOTA GBIA atambula na ala na ya ti benyama. Bongo ti ala na poro ti ala aga gbagba ni pepe.

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?