Jérémie 5:18 - Mbeti ti Nzapa - Tënë so amu fini

¹⁸ “Ataa na ngoi ni so, fade mbi yeke fâ ala kue pepe; so tënë ti yanga ti KOTA GBIA laa.

Jérémie 5:18 ပူးပေါင်းရင်းမြစ်များ

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 4:27

Tënë so KOTA GBIA atene ayeke so: “Fade kodro ni kue ayeke ga ngonda; me ye kue laa mbi yeke buba ni pepe.

Jérémie 5:10

Ala mondee na li ti agbagba ti azo ti mara ni, ala buba aye; me ala buba ye kue pepe! Ala fâ gi amaboko ti *vinye ti azo ni; amaboko ni so ayeke ti KOTA GBIA pepe.

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”

Ezekiel 11:13

So mbi ngba ti tene peko ti tënë ti yanga ti Nzapa so, Pelatia, molenge ti Benaya angba akui. Mbi ti, mbi kpo li ti mbi na sese si mbi dekongo ngangu, mbi tene: “Ae, Kota Gbia NZAPA! Mo ye ti hunzi tanga ti azo ti Israel ni kue?”

Ezekiel 20:17

Me mbi baa mawa ti ala mingi, mbi fâ ala pepe si mbi hunzi ala na benyama pepe.”

Ezekiel 9:8

Na ndembe so ala yeke fâ azo ti gue na ni, mbi ngba gi mbi oko. Mbi ti, mbi kpo li ti mbi na sese si mbi dekongo, mbi tene: “Ae, Kota Gbia NZAPA! So mo yeke de ngonzo ti mo ti wâ tongaso na ndö ti Jérusalem so, mo ye ti fâ tanga ti azo ti Israel kue ti hunzi ala?”

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.