Jérémie 5:13 - Mbeti ti Nzapa - Tënë so amu fini

¹³ Awayanga-Nzapa ayeke ga gi pupu senge! Nzapa laa ayeke tene tënë na lege ti ala pepe. Ayeke nzoni aye so ala yeke fa asi na ala wani.”

Jérémie 5:13 ပူးပေါင်းရင်းမြစ်များ

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Mbeti ti Job 6:26

Tënë ti yanga ti mbi laa ala yeke suku na mbi ngbanga ni? Tënë ni asigigi na yanga ti zo so ye ahon ndö ti lo; ala baa ni tongana tënë so ahon na ya ti pupu?

Mbeti ti Job 8:2

Atënë so mo yeke tene so, mo yeke ngba ti tene ni ngbii asi lawa? Atënë ti yanga ti mo so ayeke tongana kota pupu ayeke ngba ngbii asi lawa?

Amato 25:14

Zo so amu zendo ti mu mbeni nzoni ye na mba ti lo si lo mu ni pepe, lo yeke tongana mbinda na pupu so ayeke ga, me aga na ngu-Nzapa pepe.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Jérémie 14:13

Mbi kiri tënë: “Ae Kota Gbia NZAPA, awayanga-Nzapa atene na azo ni, atene: ‘Fade bira na nzara ayeke si na ala pepe. Me Nzapa ayeke mu na ala taa siriri na ndo so.’ ”

Jérémie 14:15

Ndani laa, tënë so KOTA GBIA atene na tere ti awayanga-Nzapa ni ayeke so: Ataa so mbi tokua ala pepe, ala yeke fa tënë na iri ti mbi atene, fade bira na nzara ayeke si na ya ti kodro so pepe. Andaa, na lege ti bira nga na lege ti nzara si a yeke hunzi ala kue!

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Jérémie 28:3

Biani, kozoni si ngu use alingbi, fade mbi yeke sara si akungba so kue Nabukodonosor, gbia ti Babilone, amu na ya ti kota da ti Nzapa, ague na ni na Babilone so ayeke kiri ge.

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.