Jérémie 49:4 - Mbeti ti Nzapa - Tënë so amu fini

⁴ Ae, gbata ti Raba, molenge-wali ti ngangu li! Ando mo yeke pika kate ti mo ndali ti popo-hoto ti mo; popo-hoto ti mo so ayeke pendere mingi so. Ando mo zia be ti mo na ndö ti amosoro ti mo, mo tene: “Zo wa laa ayeke ga ti tiri bira na mbi, zo wa?”

Jérémie 49:4 ပူးပေါင်းရင်းမြစ်များ

Abia (Psaumes) 49:6

Na ngoi so ye aga ngangu na mbi, na ngoi so azo so sarango ye ti ala ayeke mbirimbiri pepe angoro mbi ti sara sioni na mbi, mbi yeke sara mbeto ngbanga ti nyen?

Abia (Psaumes) 52:7

Ndani laa Nzapa ayeke buba ande mo biani biani; lo yeke gboto mo na ya ti da ti mo ti bi mo na gigi; lo yeke zi mo na ndö ti sese ti azo so angba na fini. Luti kete

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 10:15

Amosoro ti zo ti mosoro ayeke tongana ngangu gbagba na tere ti lo; me mawa ti wayere ayeke buba lo.

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’