Jérémie 49:38 - Mbeti ti Nzapa - Tënë so amu fini

³⁸ Mbi yeke zi na sese ti Elam gbia na akota zo ti lo, mbi yeke zia na ya ti kodro ni mbata ti mbi ti gbia; so tënë ti yanga ti KOTA GBIA laa.

Jérémie 49:38 ပူးပေါင်းရင်းမြစ်များ

Abia (Psaumes) 9:5

ngbanga ti so mo fâ ngbanga ti mbi mbirimbiri, mo gbu koko ti mbi awe. Mo duti na ndö ti mbata ti mo ti gbia, mo so mo yeke wafango-ngbanga ti mbirimbiri.

Jérémie 43:10

Na pekoni, fade mo yeke tene na ala: ‘Baa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Mbi yeke tokua titene a iri zo ti kua ti mbi Nabukodonosor, gbia ti Babilone ti ga. Mbi yeke zia mbata ti lo ti gbia na ndö ti atêne so a lu ni ge so. Lo yeke leke gbefa ti lo ti gbia na ndo so.

Jérémie 49:37

Mbi yeke sara si azo ti Elam ado na mbeto na le ti awato ti ala nga na le ti azo so aye gi kuâ ti ala. Ye ti vundu so mbi yeke tokua ti ga na ndö ti ala ayeke ngonzo ti mbi ti wâ; so tënë ti yanga ti KOTA GBIA laa. Mbi yeke tumba peko ti ala na bira ngbii mbi hunzi ala kue.

Jérémie 49:39

Me mbeni lâ, mbi yeke sara si Elam akiri na kozo ndo ti lo.” So tënë ti yanga ti KOTA GBIA laa.