Jérémie 49:35 - Mbeti ti Nzapa - Tënë so amu fini

³⁵ Tënë so KOTA GBIA so ayeke na ndö ti dunia atene ayeke so: “Mbi yeke fâ ya ti kokora ti azo ti Elam so ayeke sara ngangu ti ala.

Jérémie 49:35 ပူးပေါင်းရင်းမြစ်များ

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 22:6

Aturugu ti Elam ayo bozo ti akokora; ala yeke na ndö ti apusu ti mbarata nga na ndö ti ambarata. Aturugu ti Kir aleke *avala ti ala.

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 51:56

Biani, zo ti bubango aye ayeke ga nduru na Babilone, lo yeke ga ti tiri bira na lo. Lo yeke gbu angangu zo ti bira ti lo, lo yeke fâ ya ti kokora ti ala. Biani, KOTA GBIA ayeke Nzapa, lo hinga ti kiri na zo peko ti ye so zo ni asara; lo hinga ti futa zo alingbi na kua so zo ni asara.

Osée 1:5

Na lango ni so, mbi yeke hunzi ngangu ti aturugu ti Israel na popo-hoto ti Yizreel.”