Jérémie 49:31 - Mbeti ti Nzapa - Tënë so amu fini

³¹ Ala londo! Mara so aduti ti lo gi kpoo so, ala gue, atiri bira na lo! So tënë ti yanga ti KOTA GBIA laa. Azo ni abaa lani atene, sioni ye ayeke si na ala pepe; ada ti ala, yanga ni ayeke daa pepe, kerere ayeke nga daa pepe; ala duti ti ala lani yamba!

Jérémie 49:31 ပူးပေါင်းရင်းမြစ်များ

Abia (Psaumes) 123:4

Azo so ayeke duti nzoni ayeke he e na ngia, azo ti baba ayeke baa e tongana mbumbuse ye; ye ni ahon ndö ti e awe!

Abia (Psaumes) 73:12

Baa, azo ti sioni so laa: mbeni ye ti so be ti ala ayeke daa pepe, mosoro ti ala angba ti gue na nduzu.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ésaïe 32:9

Ala awali so ye ti songo ala ayeke daa pepe so, ala londo, ala ma mbi si! Ala amaseka-wali so abaa tere ti ala atene, ala lingbi awe so, ala dingi mê ti ala, ala ma mbi si!

Ésaïe 42:11

Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 47:8

Fadeso, ma tënë so si! Mo wali so mo ye ngia mingi so, mo so mo duti kpoo si mo tene fade na be ti mo, mo tene: “Mbi so, mbeni zo ti lingbi na mbi ayeke daa pepe, gi mbi awe! Mbi yeke ga ande wali-mua pepe, amolenge ti mbi ayeke kui pepe.”

Jérémie 48:11

“Ti londo na ngoi so Moab ade kete ngbii asi laso, lo duti nzoni: laoko a gbu lo a gue na lo na kodro wande pepe. Lo duti ando gi kpoo tongana vin so aduti na ndö ti puru ni. Laoko a tuku vin ni na ya ti mbeni ta nde pepe. Ndani laa lo bata nzerengo ti lo nga na nzoni fion ti lo.

Ezekiel 30:9

Na lango ni so, mbi yeke tokua azo na mangboko ti gue na iri ti mbi, ti sara si azo ti Etiopii so ayeke duti na siriri, tere ti ala ado na mbeto. Na lango so mbi yeke buba Ezipte, fade tere ti ala ayeke do na mbeto. Biani, lango ni aga nduru awe!

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Ezekiel 39:6

Mbi yeke bi wâ na ya ti kodro ti Magog nga na ndö ti azo so ayeke lango yongoro na yanga ti kota ngu-ingo si ala yeke duti na siriri so. Tongaso, fade ala yeke hinga atene, mbi laa mbi yeke *KOTA GBIA.

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Ndia ti fani use ni 33:28

Azo ti Israel aduti na siriri; *ahale ti Jacob aduti nde na ya ti mbeni kodro so ale ti kobe na fini vin ayeke daa, ngu ti pere alondo na yayu si ayeke ti na ndö ni.