Jérémie 49:30 - Mbeti ti Nzapa - Tënë so amu fini

³⁰ Ala azo ti Hasor, ala kpe, ala hon hio! Ala honde tere ti ala na ya ti adu ti têne! So tënë ti yanga ti KOTA GBIA laa. Biani, Nabukodonosor, gbia ti Babilone, agbu li ti lo ti sara sioni na ala, lo leke na be ti lo ti sara sioni na ala.

Jérémie 49:30 ပူးပေါင်းရင်းမြစ်များ

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 27:6

Fadeso, mbi zia akodro so kue na maboko ti zo ti kua ti mbi Nabukodonosor, gbia ti Babilone. Ataa anyama ti ngonda, mbi mu ala na lo titene ala sara kua na lo.