Jérémie 49:29 - Mbeti ti Nzapa - Tënë so amu fini

²⁹ Ayeke nzoni ala gbu ada ti bongo na abagara ti azo ni, abongo ti ala ti sarango na da nga na akungba ti ala ahon na ni. Ala mu nga *azambala ti azo ni ahon na ni; ala dekongo na li ti ala, atene: ‘Mbeto ayeke mbage na mbage kue!’

Jérémie 49:29 ပူးပေါင်းရင်းမြစ်များ

Tongo nda ti aye 37:25

Na pekoni, ala duti ti te kobe. So ala yo le ti ala na nduzu, ala baa ambeni zo ti mara ti Ismael so alondo na sese ti Galaad si ayeke ga. *Azambala ti azo ni ayo akungba ti ambeni yoro na ayombo. Ala yeke gue na ni na Ezipte.

Mbeti ti Job 1:3

Lo yeke na ataba saki mbarambara, *azambala saki ota, abagara ti fango na yaka saki oko, amama ti lele ngbangbo oku nga na gba ti azo ti kua. Lo yeke kota zo ahon azo ti mbage ti To kue.

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Ésaïe 13:20

Zo ayeke kiri ti lango na gbata ti Babilone pepe; ngu na ngu, zo ayeke kiri ti duti daa pepe. Ataa azo ti tambulango ka na benyama, ala yeke kiri ti sara ada ti ala ti bongo kâ pepe; ataa azo ti batango nyama, ala yeke sara si anyama ti ala alango kâ pepe.

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Jérémie 10:20

Me a buba da ti mbi ti bongo awe, a gboto akamba ni kue awe. Amolenge ti mbi kue ado mbi azia awe. Zo oko ti kiri ti leke da ti mbi ti bongo na nduzu ayeke daa pepe; zo oko ti kiri ti leke mbeni ndo titene mbi duti na gbe ni ayeke daa pepe.”

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 46:5

Me nyen laa asi, nyen? Nyen laa mbi yeke baa so, nyen? Be ti azo ni afun kue awe, ala yeke kiri na peko! A kinda angangu zo ti bira ti ala awe; ala yeke kpe kirikiri, ala baa ndo na peko pepe; mbeto ayeke mbage na mbage kue; so tënë ti yanga ti KOTA GBIA laa.

Jérémie 49:24

Be ti azo ti Damas awoko kue awe, ala turne tere ti ala ti kpe ti hon, ala yeke do na mbeto. Be ti ala afun kue si ala yeke baa pasi tongana wali na ndembe ti dungo ni.

Jérémie 49:5

Mbi yeke sara titene kota mbeto aga na ndö ti mo; mbeto ni ayeke londo mbage na mbage kue si aga na ndö ti mo; so tënë ti yanga ti Kota Gbia NZAPA so ayeke na ndö ti dunia kue laa. Fade ala yeke kangbi kirikiri si zo oko oko akpe, lo baa ndo na peko pepe. Azo so ayeke kpe, zo oko ti bongbingo ala ayeke daa pepe.

Jérémie 6:25

Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Habakuk 3:7

Mbi baa azo ti Kushan, tere ti ala ado na ya ti ada ti ala ti bongo; mbi baa azo ti Madian, ala sara mbeto na ya ti ada ti ala so ala sara na bongo.

2 Korente 4:8

Aye ti ngangu apete e mbage na mbage, me anika e pepe; alege kue akanga na e, me e hon;

2 Korente 7:5

Biani, na ngoi so e si na Masedoane, e wara lege ti wu tere ti e pepe, me e baa amara ti pasi kue: azo atiri na e, mbeto ayeke na ya ti e.

Awafango-ngbanga 6:5

Tongana azo ti Madian ayeke londo ti gue na tere ti azo ti Israel, ala yeke mu anyama ti ala nga na ada ti ala ti bongo kue; ala yeke gue gbani gbani tongana akinda-gozo, ala na *azambala ti ala, zo alingbi ti diko wungo ti ala pepe. Ala mu ya ti kodro ni kue si ala buba ni kue.

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.

Awafango-ngbanga 8:21

Zeba na Salmuna atene na Gédéon: “Mo wani, mo londo mo fâ e, ngbanga ti so mara ti kua so alingbi gi na zo so aga koli awe!” Gédéon alondo si lo fâ Zeba na Salmuna. Lo mu aye ti pendere so a kanga na go ti *azambala ti ala.

Awafango-ngbanga 8:26

Nengo ti aye ti mê ti lôro so kue Gédéon ahunda ayeke nduru na kilo baleuse. Lo wara nga aye ti pendere, aye ti mê na apendere bongo so abe bengo si ayeke ti agbia ti Madian nga na aye ti go so azo ni ayeke zia na go ti azambala ti ala.