Jérémie 49:16 - Mbeti ti Nzapa - Tënë so amu fini

¹⁶ Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 49:16 ပူးပေါင်းရင်းမြစ်များ

2 Agbia 14:7

Amasia afâ nga azo ti Edom saki baleoko na popo-hoto ti Ingo. Na ndembe ti bira ni, lo mu gbata ti Sela si lo di iri ti gbata ni Yokteel; iri so angba ngbii asi laso.

Mbeti ti Job 39:27

Mo laa mo yeke mu yanga na *ngoalo ti huru na nduzu, ti gue ti sara da ti lo na ndö ti ahoto?

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

B. ti abia 2:14

Mbipa ti mbi, mo so mo honde tere ti mo na ya ti adu ti têne so asuru so, na popo ti atêne so ayo na nduzu so, fa na mbi le ti mo, mbi baa si! Tene tënë, mbi ma go ti mo si! Biani, go ti mo apendere mingi si le ti mo apendere mingi.”

Ésaïe 10:14

Tongana ti so zo ayeke gbu da ti ndeke, mbi ro amosoro ti amara. Tongana ti so zo ayeke ro apara so mama ni ado azia, mbi ro aye so kue ayeke na ndö ti sese; mbeni zo oko ti yingi *kpangi ti lo ayeke daa pepe, wala ti zi yanga ti lo ti ndeke ayeke daa pepe, wala ti toto ayeke daa pepe.”

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Jérémie 48:14

“Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?

Jérémie 49:15

“Biani, Edom, mbi yeke sara si mo ga ndangba ti amara kue; mbi yeke sara si azo abaa mo tongana mbumbuse ye.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Amos 9:2

Tongana ala kungbi yanga ti ndo ti akuâ ti li kâ, maboko ti mbi ayeke gbu ala ti sigigi na ala. Tongana ala gue ngbii asi na yayu kâ, mbi yeke sara si ala zu na sese.

Habakuk 2:9

Mawa na mo, mo so mo yeke mu ye ti azo na lege ti nzi ndali ti asewa ti mo! Mo yeke sara tongaso titene mo duti na kota ndo si ye ti mawa alingbi ti wara mo pepe.

Malashii 1:3

me mbi ke Ezau. Mbi sara si ahoto ti lo aga ngonda; mbi mu aye ti lo na *anzagua ti benyama.