Jérémie 49:13 - Mbeti ti Nzapa - Tënë so amu fini

¹³ Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.

Jérémie 49:13 ပူးပေါင်းရင်းမြစ်များ

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

Tongo nda ti aye 36:33

Bela akui si Yobab, molenge ti Zera, zo ti gbata ti Bosra aga gbia na peko ti lo.

1 Mbai 1:44

Bela akui si Yobab, molenge ti Zera, zo ti gbata ti Bosra aga gbia na peko ti lo.

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Jérémie 18:16

Ala sara si kodro ti ala aga ngonda, aga ye so azo ayeke huru yanga ti ala kpu na kpu na bango ni. Azo so kue ayeke hon na tere ni, li ti ala ayeke kpe si ala yingi li ti ala.

Jérémie 19:8

Mbi yeke sara si gbata so aga ye ti dongo be na ye so azo ayeke huru yanga ti ala na bango ni. Azo so kue ayeke hon na tere ni, fade li ti ala ayeke kpe si ala yeke huru yanga ti ala ndali ti akota kpale so asi na gbata ni.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Jérémie 48:24

ti Keriot nga na ti Bosra. Ngbanga ni ati na ndö ti agbata kue ti kodro ti Moab, ala so ayeke nduru na ala so ayeke na yongoro ndo.

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 51:14

KOTA GBIA so ayeke na ndö ti dunia kue adeba na iri ti lo wani na Babilone, atene: “Mbi yeke sara si azo asi singo na ndo ti mo; ala duti gbani gbani tongana agbadola. Azo ni ayeke dekongo tongana azo so ayeke ko ale ti *vinye ti sara na vin.”

Amos 1:12

Fade mbi yeke bi wâ na gbata ti Teman si wâ ni ayeke gbi ayangbo ti gbata ti Bosra kue.”

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.