Jérémie 49:12 - Mbeti ti Nzapa - Tënë so amu fini

¹² Tënë so KOTA GBIA atene ayeke so: “Azo so alingbi fade ti nyon kopo ti mbi pepe, a fâ ngbanga na li ti ala titene ala nyon ni. Ti mo, Edom, mo lingbi ti kpe ngbanga ni tongana nyen? Fade mo yeke sigigi na ya ni oko pepe. Kopo ni so, fade mo yeke nyon ni biani!

Jérémie 49:12 ပူးပေါင်းရင်းမြစ်များ

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Jérémie 25:15

Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 46:27

“Ti mo Israel, zo ti kua ti mbi, sara mbeto pepe! Mo *hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni ye sioni ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Matthieu 20:22

Jésus akiri tënë, atene: “Ala hinga ye so ala yeke hunda so pepe. Ala lingbi ti nyon kopo ti pasi so mbi yeke nyon ande so?” Ala tene na lo: “E lingbi ti nyon ni.”