Jérémie 48:47 - Mbeti ti Nzapa - Tënë so amu fini

⁴⁷ Me mbeni lâ, fade mbi yeke sara titene Moab akiri na kozo ndo ti lo; so tënë ti yanga ti KOTA GBIA laa.” Ngbanga so KOTA GBIA afâ na li ti Moab, tënë ni ahunzi na ndo so.

Jérémie 48:47 ပူးပေါင်းရင်းမြစ်များ

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Ésaïe 18:7

Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

Ésaïe 23:18

Me aye so gbata ni ayeke wara nga na futa ti lo, a yeke zia ni nde ndali ti KOTA GBIA. A yeke bongbi ni pepe, a yeke bata ni pepe. Aye so lo wara so, a yeke vo na kobe na azo so ayeke duti na dawa ti KOTA GBIA, ala te ya ti ala asi; a yeke vo nga na apendere bongo na ala.

Ésaïe 25:11

Kâ, Moab ayeke yoro maboko ti lo tongana ti zo ti tingo ngu. Ataa lo sara ngangu tongana nyen, KOTA GBIA ayeke sara si baba ti lo akiri na gbeni.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 12:15

Me na peko ti so mbi gboto ala na ndö ti sese ni awe, mbi yeke kiri ti baa mawa ti azo ni si mbi yeke kiri na zo oko oko na ndö ti sese ti lo nga na ya ti kodro ti lo.

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 46:26

Mbi yeke zia ala na maboko ti azo so aye gi kuâ ti ala: Nabukodonosor, gbia ti Babilone, lo na aturugu ti lo. “Gbanda na pekoni, fade azo ayeke kiri ti lango na sese ti Ezipte tongana ti ando.” So tënë ti yanga ti KOTA GBIA laa.

Jérémie 49:39

Me mbeni lâ, mbi yeke sara si Elam akiri na kozo ndo ti lo.” So tënë ti yanga ti KOTA GBIA laa.

Jérémie 49:6

Me na pekoni, mbi yeke sara si azo ti mara ti Amon akiri na kozo ndo ti ala. So tënë ti yanga ti KOTA GBIA laa.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 11:41

Lo yeke li na ya ti pendere kodro ni. Kâ, fade azo mingi ayeke kui. Me azo ti kodro ti Edom, ti Moab na akpengba zo ti mara ti Amon laa ayeke kpe na maboko ti lo.

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Wungo ti azo 24:14

Fadeso, mbi yeke kiri na kodro ti mbi. Ga, mbi fa na mo kozoni ye so azo ti Israel ayeke sara ande na azo ti kodro ti mo na ya ti alango so ayeke ga.”

Ndia ti fani use ni 31:29

Biani, mbi hinga, mbi tene, na peko ti kuâ ti mbi, fade azo ti Israel ayeke ti na ya ti siokpari, ala yeke zia lege so mbi fa na ala. Gbanda, fade ye ti vundu ayeke si na ala ndali ti asioni ye so kue ala yeke sara ti so be ti KOTA GBIA nga na aye so be ti lo ake ni.”

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.