Jérémie 48:45 - Mbeti ti Nzapa - Tënë so amu fini

⁴⁵ Azo so akpe, ngangu ti ala ahunzi awe, nilaa ala luti ti wu tere ti ala na Heshebon. Me mbeni wâ asigigi na ya ti gbata ni; na yangbo ti gbia Sihon, mbeni menga ti wâ ague, agbi kodro ti azo ti sarango wusuwusu ni so, ti londo na katikati ti Moab ngbii asi na be ti kodro ni.

Jérémie 48:45 ပူးပေါင်းရင်းမြစ်များ

Abia (Psaumes) 135:11

Sihon, gbia ti azo ti mara ti Amori, Og, gbia ti Bashan na agbia ti akodro ti Kanaan kue.

Abia (Psaumes) 78:63

Wâ agbi amaseka-koli ti ala; ti amaseka-wali, zo oko akiri ahe bia ti gondango na ala pepe.

Jérémie 2:16

Ataa azo ti gbata ti Manfis na ti Tapanes asuru ya ti kangu ti li ti mo.

Jérémie 48:2

Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Amos 2:2

Fade mbi yeke bi wâ na ya ti kodro ti Moab si wâ ni ayeke gbi ayangbo ti gbata ti Keriot kue. Fade Moab ayeke kui na ya ti wusuwusu, na ya ti dekongo ti bira nga na ya ti hurungo didi.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Wungo ti azo 21:21

Azo ti Israel atokua azo ti gue ti tene na Sihon, gbia ti azo ti Amori, atene:

Wungo ti azo 21:26

Heshebon ayeke lani li-kodro ti Sihon, gbia ti azo ti mara ti Amori. Andaa Sihon atiri bira na kozo gbia ti Moab si lo mu akodro ti lo kue ngbii asi na ngu ti Arnon.

Wungo ti azo 21:28

Wâ asigigi na gbata ti Heshebon, menga ti wâ asigigi na gbata ti gbia Sihon; wâ agbi gbata ti Ar so ayeke na sese ti Moab, agbi akota zo ti ndö ti akete hoto so ayeke na tere ti ngu ti Arnon.

Wungo ti azo 21:29

Mawa na ala, azo ti Moab! Ti ala ahunzi awe, azo ti vorongo Kemosh! Akoli so angba na fini, na awali, ala kue, a gbu ala na peko ti bira si a zia ala na maboko ti Sihon, gbia ti azo ti mara ti Amori.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”