Jérémie 48:40 - Mbeti ti Nzapa - Tënë so amu fini

⁴⁰ Baa, tënë so KOTA GBIA atene ayeke so: “Wato azi ya ti kpangi ti lo, lo yeke huru na ndö ti Moab tongana *ngoalo.”

Jérémie 48:40 ပူးပေါင်းရင်းမြစ်များ

Amato 30:19

lege ti ngoalo na le ti nduzu, lege ti ngbo na ndö ti kota têne, lege ti mangboko na le ti kota ngu-ingo na lege ti koli na tere ti mbeni maseka-wali.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Abia ti demango tere 4:19

Awato ti e so ayeke tumba peko ti e, ala kpe loro ngangu ahon *ngoalo so ayeke huru na le ti nduzu. Ala tumba peko ti e na ndö ti ahoto; na benyama, ala honde tere ti ala ti ku e.

Ezekiel 17:3

Mo tene na ala, mo tene: Tënë so Kota Gbia NZAPA atene ayeke so: ‘Mbeni kota *ngoalo ayeke daa so *akpangi ti lo akono mingi, kua ti tere ti lo ayo yongo si ayeke gbani gbani, anzoroko ni ayeke nde nde. Mbeni lâ, lo huru lo ga na ndö ti hoto ti Liban. Lo kungbi li ti keke ti sedre,

Daniel 7:4

Kozo nyama ni ayeke tongana bamara, me akpangi ti lo ayeke tongana ti *ngoalo. So mbi ngba ti baa ndo, andaa a zi akpangi ti lo ni awe; a yo lo na nduzu na ndö ti sese, lo luti na ndö ti gere ti lo tongana zo si a mu na lo hingango ndo ti zo.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.