Jérémie 48:37 - Mbeti ti Nzapa - Tënë so amu fini

³⁷ Akoli kue akio kua ti li ti ala, ala fâ kua ti yanga ti ala, ala suru tere ti amaboko ti ala na ka si ala yu bongo ti mua.

Jérémie 48:37 ပူးပေါင်းရင်းမြစ်များ

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

1 Agbia 18:28

Awayanga ti nzapa ni adekongo ngangu. Na lege ti sarango ye ti ala, ala mu ayongoro zeme na alikongo, ala suru tere ti ala na ka kirikiri, ngbii mene ayuru na tere ti ala.

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

2 Agbia 6:30

So gbia ama tënë so wali so atene, lo suru bongo na tere ti lo. Ndali ti so lo yeke na ndö ti gbagba ti gbata ni, azo ti gbata ni abaa so lo yu mbeni bongo ti mua na gbe ti bongo so lo suru so; bongo ni agbu tere ti lo gbungo.

1 Mbai 19:4

Tongaso, Hanun agbu azo ti kua ti David, lo kio kua ti yanga ti ala, lo fâ bongo ti ala ngbii asi na ngbonda ti ala si lo tumba ala.

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Ésaïe 37:1

So gbia Ezekias ama ala awe, lo suru bongo na tere ti lo, lo yu bongo ti mua si lo gue na ya ti kota da ti *KOTA GBIA.

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 41:5

Tongaso, ambeni zo balemiombe alondo na Sishem, Silo nga na Samarii si aga. Azo ni akio kua ti yanga ti ala kiongo, ala suru bongo surungo na tere ti ala si ala suru tere ti ala na ka. Ala ga na asandaga ti ble na ti dukani ti ya ni na Nzapa na ya ti kota da ti lo na Jérusalem.

Jérémie 47:5

Na Gaza, azo afâ kua ti li ti ala; na Askalon, ndo ade ngii. Ala azo so ayo mingi si ala ngba na fini so, ala yeke ngba ti suru tere ti ala na ka ngbii asi lawa?

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Ezekiel 27:31

Ndali ti mo, azo ni ayeke kio kua ti li ti ala si ala yeke yu bongo ti mua. Ala yeke toto na ndö ti mo na vundu na be ti ala; ala yeke dema tere na mawa.

Ezekiel 29:18

“*Molenge ti zo, baa, Nabukodonosor, gbia ti Babilone agbu aturugu ti lo na ngangu ti sara angangu kua na tere ti gbata ti Tir. A kpaka kua ti li ti aturugu ti lo kue, ndö ti maboko ti ala kue asuru na ka. Me gbia ni, lo na aturugu ti lo awara futa pepe ndali ti akua so ala sara na tere ti Tir.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Awayango-sandaga 19:28

Tongana mbeni zo akui, ala suru tere ti ala na ka pepe, ala kpo nga anzoroko na tere ti ala pepe. Mbi laa mbi yeke KOTA GBIA.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Mishe 1:16

Ala azo ti Jérusalem, ala kio kua ti li ti ala, ala fâ kua ti li ti ala ndali ti amolenge ti ala so ala ye ala mingi so. Ala kio kua ti li ti ala kue titene aga tongana ti *ngoalo so amboko kue so. Biani, fade a yeke gbu amolenge ni ti gue na ala na kodro wande, yongoro na tere ti ala, azo ti Jérusalem.

Marc 5:5

Bi na lâ, lo yeke fono gi na popo ti adu ti kuâ, wala na ndö ti ahoto si lo yeke dekongo, lo yeke mu atêne ti suru tere ti lo na ka.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”