Jérémie 48:29 - Mbeti ti Nzapa - Tënë so amu fini

²⁹ E ma tënë ti pikango kate ti Moab awe, pikango kate ti lo so ahon ndoni; e ma tënë ti baba ti lo, tënë ti pikango kate ti lo, tënë ti kuru baba ti lo, tënë ti sioni yanga ti lo; lo baa tere ti lo kota lo hon azo kue.

Jérémie 48:29 ပူးပေါင်းရင်းမြစ်များ

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 21:24

Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”